Maktaba Wahhabi

محدث شمارہ 351

مؤلف: حافظ عبد الرحمن مدنی

ناشر: مجلس التحقیق الاسلامی لاہور

سال شائع: لاہور اکتوبر 2011

’’تکبیرات کےاوقات (اور تکبیرات کون کہے) اس بارے میں کافی اختلاف ہے: 1.بعض علماء نے تکبیرات کا وقت نماز کے بعد مخصوص کیا۔ 2. کچھ علماء نےنوافل کے بجائےفرض نمازوں کے بعد کاوقت تکبیرات کے لیے خاص کیا ۔ 3. بعض علماء نے تکبیرات کو عورتوں کےبجائے مردوں کےساتھ خاص کیا ہے۔ 4. کچھ نے منفرد کے بجائے نماز باجماعت کی تخصیص کی ہے۔ 5. بعض نے قضا نماز کو چھوڑ کر ادانماز کی شرط عائد کی ہے۔ کچھ علماء نےمسافر کے سوامقیم کی قید لگائی ہے لیکن امام بخاری رحمہ اللہ نے اس مسئلہ کو اختیار کیا ہے کہ تکبیرات کہنا (تمام اوقات اور) تمام افراد (مرد ، عورت، مقیم و مسافر سبھی کے لیے) مشروع و جائز ہے اورترجمۃ الباب میں منقول آثار اس موقف کی تائید کرتے ہیں۔[1] حائضہ عورتیں بھی تکبیرات کہیں گی! عیدین میں حائضہ عورتوں کو بھی تلقین ہے کہ وہ تکبیرات کا اہتمام کریں۔ سیدہ عطیہ رحمہ اللہ بیان کرتی ہیں: کنا نؤمر أن نخرج یوم العید حتی نُخرج البکر من خدرها حتی نخرج الحیض فیکن خلف الناس فیکبرن بتکبیرهم ویدعون بدعائهم یرجون برکة ذلك الیوم وطهرته [2] ’’ہمیں عید کے دن (عیدگاہ میں) پہنچنے کا حکم دیاجاتاتھا۔ حتیٰ کہ (ہمیں حکم ہوتا کہ) ہم دو شیزہ کو اس کی خلوت گاہ سے اور حائضہ عورتوں کوبھی نکالیں اوروہ (حائضہ عورتیں) لوگوں کے پیچھے رہیں اوران کی تکبیرات کےساتھ تکبیرات کہیں۔ ان کی دعاؤں کےساتھ دعا کریں اوروہ اس دن کی برکت اورگناہوں سے پاکی کی امید رکھیں۔‘‘ البتہ واضح رہے کہ عورتوں کی آواز مردوں تک نہ پہنچے جیسا کہ ابن قدامہ رحمہ اللہ لکھتے ہیں: وینبغی لهن أن یخفضن أصواتهن حتی لا یسمعهن الرجال [3]
x
صفحہعنوان
2مسئلۂ توہین رسالت اور قانون کو ہاتھ میں لینا؟
20عشرہ ذوالحجہ کے فضائل و مسائل
45توہینِ رسالت کامسئلہ اورعمارخان ناصر
77اِک محافظِ ملت محمد عطاء اللہ صدیقی رحمہ اللہ کی یاد میں
83فکر ِاسلامی کا بے باک ترجمان اور غیور پاسبان
89اِک چراغ اور بجھا... !
92حافظ نذر احمد؛ قرآنِ کریم کا ایک اَن تھک خادم
Flag Counter