Maktaba Wahhabi

تفسير سورۂ الصافات

مؤلف: ارشاد الحق اثری

ناشر: ادارۃ العلوم الاثریہ

سال شائع: دسمبر 2016ء

167
اندازہ ہے نہ اس کے اوصاف کا کوئی شمار ہے۔ ﴿ لِمِثْلِ هَذَا ﴾ ایسی ہی کامیابی کے حصول کے لیے عمل کرنے والوں کو عمل کرنا چاہیے۔ یہ دنیا کے حصول کے لیے نہیں جس کی نعمتیں زائل ہونے والی ہیں اور نہ انسان وہاں ہمیشہ رہنے والا ہے۔ فنا ہونے والے کا فانی دُنیا کے لیے پاپڑ بیلنا سراسر خسارے کا سودا ہے۔ کامیابی وکامرانی جہنم سے نجات اور جنت کا حصول ہے۔ اسی کے لیے تگ ودو کرنی چاہیے۔ بعض مفسرین نے کہا ہے کہ یہ بھی جنتی کا قول ہے۔ علامہ شوکانی نے اسی کو ترجیح دی ہے۔ بعض نے کہا ہے کہ یہ فرشتوں کا قول ہے۔ امام ابن جریر رحمہ اللہ نے کہا ہے کہ یہ اللہ سبحانہ وتعالیٰ کا فرمان ہے کہ اس سعادت کو حاصل کرنے کے لیے عاملین کو عمل کرنا چاہیے۔ عذابِ قبر پر اعتراض کا جواب: عذاب قبر کا جو بدعتی فرقے انکار کرتے ہیں وہ اپنے استدلال میں یہ آیت بھی ذکر کرتے ہیں: ﴿ أَفَمَا نَحْنُ بِمَيِّتِينَ (58) إِلَّا مَوْتَتَنَا الْأُولَى ﴾ جس میں بیان ہے کہ انسان کو ایک ہی موت آئے گی، اگر قبر میں زندگی اور حساب و کتاب اور عذاب و عقاب ہے توپھر موت دوبار ہوگئی!۔ علامہ رازی فرماتے ہیں کہ یہ اعتراض اس لیے درست نہیں کہ پہلی موت سے مراد دُنیا کی موت ہے خواہ وہ قبر میں جانے سے پہلے ہویا اس کے بعد قبر میں موت آئی ہو۔ یعنی قیامت سے پہلے کی جو بھی موت ہے دُنیا کی ہے اور پہلی موت ہے۔ مگر صحیح یہ ہے کہ قبر کی زندگی برزخی ہے۔ اور اس میں ثواب وعقاب برزخی ہے دنیوی حیات پر اس کا قیاس ہی غلط ہے۔ برزخی زندگی میں حس وحرکت ارادی نہیں ہوتی یہ زندگی تام اور مکمل نہیں اس لیے اس پر دُنیاوی موت کا ارتباط ہی درست نہیں۔
x
صفحہعنوان
19سورة الصافات
23پیش لفظ
25سورت کا تعارف:
25سورۃ الصّٰفّٰت کے بارے میں احادیث:
28وَالصّٰفّٰت:
37گذشتہ آیات ۳۔ ۱ کی دوسری تاویل:
38تیسری تاویل:
38چوتھی تاویل:
38پانچویں تاویل:
39مخلوق کی قسم کھانا:
59بعض اعتراضات کا جواب:
65کاہن اور کہانت:
91ایک اشکال کا جواب:
117الغی، الرشد کی ضد ہے:
163بُری صحبت سے بچنا:
167عذابِ قبر پر اعتراض کا جواب:
229حضرت ابراہیم علیہ السلام کے باپ کا نام؟
232’’ أفّاک ‘‘ زبردست جھوٹے کو کہتے ہیں:
237علم نجوم کی حیثیت:
264پرویزی انحراف:
266ایک تاریخی واقعہ:
271ہجرت کے اسباب:
275دوسری تاویل:
282یہ بیٹا کون تھا؟
285حدیث (( أنا ابن الذبیحین )) :
289حکمِ قربانی کا انکار:
291علامہ شبلی وغیرہ کا غلط موقف:
297محل قربانی:
309آزمایش کے درجات:
335کیا حضرت الیاس علیہ السلام زندہ ہیں؟
357افضیلت انبیا علیہم السلام کا مسئلہ:
371قرعہ اندازی:
376ایک اشکال کا جواب:
376دوسرا اشکال اور اس کا جواب:
383ایک ناگوار وضاحت:
384قادیانی تلبیس کا جواب:
387سوال کرنے اور فتویٰ طلب کرنے کی چارنوعیتیں ہوتی ہیں:
398الزامی جواب اور ایک وضاحت:
412تقدیر کا ثبوت:
435ایک اشکال اور اس کا جواب:
Flag Counter