۲۔ فسقفسق کا لغوی معنی باہر نکلنا ہے، اور اس کا شرعی معنی، اﷲ کی اطاعت سے باہر نکلنا ہے ۔ اور وہ کلّی طور پر نکلنے کو بھی شامل کرلیتا ہے، جس کی وجہ سے کافر کو بھی فاسق کہا جاتا ہے ۔ اور جزئی طور پر نکلنے کو بھی شامل کرلیتا ہے، جس کی وجہ سے کبیرہ گناہوں کے مرتکب مومن کو بھی فاسق کہا جاتا ہے ۔فسق کی دو قسمیں ہیں : ۱)ایسا فسق جو ملّت اسلام سے خارج کردے تو وہ کفر ہے ۔ اسی لئے کافر کو فاسق کہا جاتا ہے، اﷲ تعالیٰ نے ابلیس کا تذکرہ کرتے ہوئے فرمایا : ﴿ فَفَسَقَ عَنْ اَمْرِ رَبِّہٖ﴾( الکھف : 50)ترجمہ :تو اس نے اپنے رب کے حکم کی نافرمانی کی ۔ اس فسق سے ابلیس نے کفر کیا تھا ۔ نیز فرمانِ باری ہے : ﴿ وَاَمَّا الَّذِیْنَ فَسَقُوْا فَمَأوٰہُمُ النَّارُ ﴾ (السجدۃ : 20)ترجمہ : اورجو لوگ فسق ونافرمانی کی راہ اختیار کریں گے، ان کا ٹھکانہ جہنم ہوگا ۔اس سے مراد کفار ہیں ۔ اور اسی پر اﷲ تعالیٰ کا یہ قول بھی دلالت کررہا ہے : ﴿ کُلَّمَآ اَرَادُوْا اَن یَّخْرُجُوْا مِنْہَا اُعِیْدُوْا فِیْہَا وَقِیْلَ لَہُمْ ذُوْقُوْا عَذَابَ النَّارِ الَّذِیْ کُنْتُمْ بِہٖ تُکَذِّبُوْنَ﴾ (السجدۃ : 20)ترجمہ :جب بھی اس سے نکلنا چاہیں گے اس میں لوٹادئے جائیں گے، اور ان سے کہا جائے گا کہ چکھو اس آگ کا عذاب جسے تم جھٹلاتے تھے ۔مسلمانوں میں کبیرہ گناہ کے مرتکب مسلمان کو بھی فاسق کہا جاتا ہے، لیکن اس کا یہ فسق اسے اسلام سے خارج نہیں کرے گا ۔ جیسا کہ فرمانِ الٰہی ہے : ﴿وَالَّذِیْنَ یَرْمُوْنَ الْمُحْصَنٰتِ ثُمَّ لَمْ یَأتُوْا بِاَرْبَعَۃِ شُہَدَآئَ فَاجْلِدُوْہُمْ ثَمَانِیْنَ