نہایت شفیق ومہربان ہیں ۔ یہاں بھی یہ رؤوف اُس رؤوف کی طرح اور رحیم اُس رحیم کی طرح نہیں ہے ۔ اور اسی طرح اﷲ تعالیٰ نے اپنے آپ کو کچھ ایسی صفات سے متصف کیا ہے جن سے کہ بندوں کو بھی متصف فرمایا : ﴿ وَلَا یُحِیْطُوْنَ بِشَیْ ئٍ مِّنْ عِلْْمِہٖ﴾ ( البقرۃ :255) ترجمہ : اور لوگ اس کے علم میں سے کسی بھی چیز کا احاطہ نہیں کرتے ہیں ۔اس آیت میں اس نے اپنی ذات کو علم سے متّصف فرمایا، اور اپنے بندوں کو بھی اسی صفتِ علم سے متصف کیا : ﴿ وَمَآ اُوْتِیْتُمْ مِّنَ الْعِلْمِ اِلَّا قَلِیْلًا ﴾ (الإسراء :85) ترجمہ : اور تمہیں بہت ہی کم علم دیا گیا ہے ۔﴿ وَفَوْقَ کُلِّ ذِیْ عِلْمٍ عَلِیْمٌ﴾ (یوسف:76 ) ترجمہ : اور ہر جاننے والے کے اوپر اس سے بڑا جاننے والا ہے ۔﴿وَ قَالَ الَّذِیْنَ اُوْتُوا الْعِلْمَ ﴾ ( القصص : 80) ترجمہ : اورجو لوگ علم والے تھے انہوں نے کہا ۔اور اﷲ تعالیٰ نے اپنی ذات کو وصفِ قوت سے موصوف کیا : ﴿ اِنَّ اللّٰہِ لَقَوِیٌّ عَزِیْزٌ ﴾( الحج :40)ترجمہ :بے شک اﷲ بڑی قوت والا، بڑا ہی زبردست ہے۔﴿ اِنَّ اللّٰہِ ہُوَالرَّزَّاقُ ذُوالْقُوَّۃِ الْمَتِیْنُ﴾ ( الذاریات :58 ) ترجمہ :بے شک اﷲ ہی روزی رساں ہے، زبردست طاقت والا ہے ۔ اور اپنے بندوں کو بھی قوت کی صفت سے متّصف کیا: ﴿ اللّٰہِ الَّذِیْ خَلَقَکُمْ مِّنْ ضَعْفٍ ثُمَّ جَعَلَ مِنْ م بَعْدِضَعْفٍ قُوَّۃً ثُمَّ جَعَلَ مِنْ م بَعْدِقُوّ َۃٍ ضَعْفًا وَّشَیْبَۃً ﴾ ( الروم :54 )ترجمہ : وہ اﷲ ہے جس نے تم سب کو کمزور پیدا کیا، پھر کمزوری کے بعد قوت دی، پھر قوت کے بعد کمزور اور بوڑھا بنادیا ۔