’’مسجدِ خیف میں ستّر انبیاء علیہم السلام نے نماز پڑھی ہے۔‘‘منیٰ میں قیام کے دوران نمازِ ظہروعصر اور عشاء قصر کرکے (دوگانہ) پڑھنا مسنون ہے کیونکہ صحیحین، سنن ابو داود و نسائی اور مسند احمد میں حضرت ابن مسعود رضی اللہ عنہ سے مروی ہے:(( صَلّیْتُ مَعَ رسُوْلِ اللّٰہِ صلي اللّٰه عليه وسلم بِمِنَیٰ رَکْعَتَیْنِ وَ َمعَ اَبِیْ بَکْرٍرضي اللّٰه عنه رَکْعَتَیْنِ وَ مَعَ عُمَرَرضي اللّٰه عنه رَکْعَتَیْنِ ))[1]’’میں نے نبی صلی اللہ علیہ وسلم ، حضرت ابوبکر اور حضرت عمر رضی اللہ عنہما کے ساتھ منیٰ میں دو دو رکعتیں پڑھیں۔‘‘