Maktaba Wahhabi

عیسیٰ ابن مریم علیہما السلام

مؤلف: غلام مصطفی ظہیر امن پوری

ناشر: دار التخصص و التحقیق جہلم

لَعَنَ اللّٰہُ الْیَہُودَ وَالنَّصَارَی، اتَّخَذُوا قُبُورَ أَنْبِیَائِہِمْ مَسْجِدًا ۔ ’’اللہ یہود ونصاری پر لعنت کرے، جنہوں نے اپنے نبیوں کی قبروں کو سجدہ گاہ بنا لیا۔‘‘ (صحیح البخاري : 1330، صحیح مسلم : 529) اس حدیث سے وفات عیسیٰ علیہ السلام پر استدلال لیا جاتا ہے کہ یہود ونصاریٰ پر لعنت کی گئی ہے کہ انہوں نے اپنے انبیا کی قبروں کو سجدہ گاہ بنا لیا تھا، یہود کے تو کئی انبیا تھے، جبکہ نصاریٰ کے نبی صرف عیسیٰ علیہ السلام ہیں۔ اگر وہ زندہ ہیں، تو نصاریٰ پر لعنت کیوں؟ اس سے ثابت ہوا کہ یقینا وہ فوت ہوگئے ہیں، ورنہ عیسیٰ علیہ السلام سے لے کر نبی کریم صلی اللہ علیہ وسلم تک کوئی نبی نہیں۔ اس استدلال کا جواب یہ ہے کہ نصاریٰ یہودیوں کے انبیا کو بھی مانتے تھے اور انہوں نے انبیائے بنی اسرائیل کی قبروں کو سجدہ گاہ بنایا تھا، ورنہ ہر صاحب عقل جانتا ہے کہ عیسائیوں نے کبھی عیسیٰ علیہ السلام کی قبر بنا کر اس کی پوجا نہیں کی۔ ٭ محدث عبد العزیز بن احمد ابو محمد کتانی رحمہ اللہ (466ھ) فرماتے ہیں : لَمْ یَتَّفِقِ الْمُسْلِمُونَ عَلٰی مَعْرِفَۃِ عَیْنِ قَبْرِ نَبِيٍّ وَّصَحَابِيٍّ غَیْرِ قَبْرِ نَبِیِّنَا مُحَمَّدٍ صَلَّی اللّٰہُ عَلَیْہِ وَسَلَّمَ وَقَبْرِ صَاحِبَیْہِ أَبِي بَکْرٍ وَّعُمَرَ رَضِيَ اللّٰہُ عَنْہُمَا ۔ ’’مسلمان کسی نبی یا صحابی کی قبر کی تعیین پر متفق نہیں ہوئے، سوائے رسول اللہ صلی اللہ علیہ وسلم اور جناب ابوبکر وعمر رضی اللہ عنہما کے قبروں کے۔‘‘ (تاریخ ابن عساکر : 2/418) ٭ شیخ الاسلام ابن تیمیہ رحمہ اللہ (728ھ)فرماتے ہیں :
x
صفحہعنوان
4مقدمہ
6نزول عیسیٰ ابن مریم علیہما السلام پر قرآنی دلائل
19نزول عیسیٰ علیہ السلام اور متواتر احادیث
44اسلاف امت کی تصریحات
58انکار نزول کی بدعت اور اس سے متعلقہ مباحث
59وفات عیسیٰ علیہ السلام
72قبر عیسیٰ علیہ السلام
80نزول عیسیٰ علیہ السلام اور امت محمدیہ
81رفع کا معنی
84آیت استخلاف سے عدم نزول کا استدلال
87سیدنا عیسیٰ علیہ السلام اور مہدی دو مختلف شخصیات
90مسیح کی نشانیوں میں تعارض کا قضیہ
Flag Counter