Maktaba Wahhabi

عیسیٰ ابن مریم علیہما السلام

مؤلف: غلام مصطفی ظہیر امن پوری

ناشر: دار التخصص و التحقیق جہلم

اس آیت میں عام خلفا کی بات ہورہی ہے، نہ کہ نبیوں میں سے ایک نبی کی، قیامت سے پہلے اللہ تعالیٰ عیسیٰ علیہ السلام کے ہاتھوں اسلام کو غلبہ عطا فرمائیں گے اور ان کے ذریعے تمام ادیان باطلہ کی سرکوبی کی جائے گی۔ یہ بھی یاد رہے کہ عیسیٰ علیہ السلام ایک نبی ہونے کے باوجود، امت محمدیہ کے ایک فرد فرید ہیں، لہٰذا انہیں مِنْکُمْ کے عموم سے خارج نہیں کیا جا سکتا۔ پھر حیرت کی بات یہ ہے کہ عیسیٰ علیہ السلام کو مِنْکُمْ کے عموم سے خارج کرنے کے لئے ایک ایسی روایت پیش کی جاتی ہے، جو اولاً تو مِنْکُمْ کے عموم میں ان کے شامل ہونے کی دلیل بنتی ہے، نہ کہ نکلنے کی اور دوسرے یہ کہ وہ روایت ضعیف بھی ہے. ٭ سیدنا ابوہریرہ رضی اللہ عنہ سے منسوب ہے کہ رسول اللہ صلی اللہ علیہ وسلم نے فرمایا: أَلَا إِنَّ عِیسَی ابْنَ مَرْیَمَ لَیْسَ بَیْنِي وَبَیْنَہٗ نَبِيٌّ، أَلَا خَلِیفَتِي فِي أُمَّتِي مِنْ بَعْدِي ۔ ’’خبردار! عیسیٰ بن مریم علیہما السلام اور میرے درمیان کوئی نبی نہیں، خبردار! وہ میرے بعد میری امت میں میرے خلیفہ ہوں گے۔‘‘ (المُعجم الأوسط للطّبراني : 4898، المُعجم الصّغیر للطّبراني : 725) یہ روایت سخت ضعیف ہے۔ 1،2. عیسیٰ بن محمد صیدلانی بغدادی اور محمد بن عثمان بن یسار قرشی ’’مجہول‘‘ ہیں۔ 3. محمد بن عقبہ سدوسی ’’ضعیف‘‘ ہے۔
x
صفحہعنوان
4مقدمہ
6نزول عیسیٰ ابن مریم علیہما السلام پر قرآنی دلائل
19نزول عیسیٰ علیہ السلام اور متواتر احادیث
44اسلاف امت کی تصریحات
58انکار نزول کی بدعت اور اس سے متعلقہ مباحث
59وفات عیسیٰ علیہ السلام
72قبر عیسیٰ علیہ السلام
80نزول عیسیٰ علیہ السلام اور امت محمدیہ
81رفع کا معنی
84آیت استخلاف سے عدم نزول کا استدلال
87سیدنا عیسیٰ علیہ السلام اور مہدی دو مختلف شخصیات
90مسیح کی نشانیوں میں تعارض کا قضیہ
Flag Counter