| واضح رہے مقتدی کے لیے اس کے امام کا سترہ ہی کافی ہے۔ سترے کا استعمال واجب نہیں ہے کیونکہ سیدنا ابن عباس رضی اللہ عنہما سے روایت ہے: "ان رسول اللّٰهِ صلى اللّٰهُ عليه وسلم صلى في فضاء ليس بين يديه شيء" "رسول اللہ صلی اللہ علیہ وسلم نے ایک کھلے میدان میں نماز پڑھائی اور آپ کے آگے کوئی شے(بطور سترہ) نہ تھی۔"[1] سترہ باریک ہو یا موٹا یا چوڑا،اسےکھڑا کرکے رکھنا چاہیے،سترہ کجاوے کی پچھلی لکڑی کی طرح(ڈیڑھ فٹ کے قریب) ہونا چاہیے۔سترہ کے استعمال میں یہ حکمت ہے کہ وہ نمازی کےآگے سے گزرنے والے کو روک دے گا اور سترہ کے پیچھے جو کچھ ہوگا نمازی اس میں(نظر وفکر کرکے) مشغول نہ ہوگا۔اوراگر کوئی شخص صحراء میں نماز اداکرنا چاہے تو وہ کسی ایسی چیز کوسترہ بنالے جو گزرنے والے کو بآسانی نظر آجائے،مثلاً:درخت،پتھر اور لاٹھی وغیرہ۔اگر زمین میں لاٹھی کوگاڑنا ممکن نہ ہوتو اسے چوڑائی کی صورت ہی میں اپنے سامنے رکھ لے۔ (2)۔اگر امام قراءت کرنے وقت کلمات میں کمی بیشی کرجائے تو مقتدی لقمہ دے کر اس کی اصلاح کردے۔ (3)۔نماز کے دوران کپڑا اوڑھنا،اتارنا،کسی چیز کو اٹھانا،رکھنا،دروازہ کھولنا وغیرہ مباح کام ہیں۔نماز میں سانپ اور بچھو مارنا درست ہے کیونکہ "أَمَرَ رَسُولُ اللّٰهِ صَلَّى اللّٰهُ عَلَيْهِ وَسَلَّمَ بِقَتْلِ الْأَسْوَدَيْنِ فِي الصَّلَاةِ .....الْحَيَّةِ وَالْعَقْرَبِ )" "رسول اللہ صلی اللہ علیہ وسلم نے نماز کی حالت میں دوسیاہ موذی جانوروں سانپ اور بچھو کومارنے کا حکم دیا ہے۔"[2] کسی مباح کام کوکثرت سے نہیں کرنا چاہیے الا یہ کہ اس کی شدید ضرورت ہو۔اگر کسی نے کوئی مباح کام بلا ضرورت،کثرت سے اور لگاتارکیاتو اس کی نماز باطل ہوجائےگی کیونکہ یہ چیز نماز کے منافی ہے اور خشوع وخضوع کو ختم کردینے والی ہے۔ (4)۔جب نمازی کو نماز کے دوران کوئی اہم معاملہ پیش آجائے،مثلاً:کوئی شخص اندر آنے کی اجازت طلب |