سکھائے تُو نے محکوموں کو آدابِ جہانبانی طاہرؔ شادانیدیا اپنے غلاموں کو شکوہِ قیصری تُو نے کیا شاہوں کو آگاہِ مقامِ بندگی تُو نےسکھائے تُو نے محکوموں کو آداب جہانبانی مرے آقا صلی اللہ علیہ وسلم بدل ڈالا مزاج خسروی تُو نےتو آیا باغِ عالم کے لئے ابرِ کرم بن کر چمن زارِ محبت کو عطا کی تازگیُو نےزمانے بھر میں چرچا ہے تری دریانوالی کا وہ نعمت کون سی ہے جو زمانے کو نہ دی تُو نےتُو اُترا روح کی گہرائیوں میں نورِ جاں بن کر سیہ کاروں کو دی کردار کی تابندگی تُو نےتری ذاتِ گرامی مصدرِ اخلاق و احساں ہے کہ اپنے دشمنوں پر بھی نگاہِ لُطف کی تُو نےتو ختم المرسلین صلی اللہ علیہ وسلم ہے، رحمۃٌ للعالمین صلی اللہ علیہ وسلم بھی ہے دیا انساں کو فطرت کا پیامِ آخری تُو نےتو آیا ظلمتِ شب میں پیام صبح نو لے کر افق سے تا افق پھیلائی حق کی روشنی تُو نےگدائی تیرے در کی فِرّ سلطانی سے بہتر ہے کہ اپنے نام لیواؤں کو دی ہر برتری تُو نےہے تو خیر البشر صلی اللہ علیہ وسلم ، تو لاج ہے تقویم احسن کی بڑھائی اپنی ضَو سے آب و تابِ زندگی تو نےبھٹکتے پھر رہے تھے جو ظلامِ کفر و باطل عطا ان کو کیا وحدت کا نورِ سرمدی تُو نےہو اپنے طاہرؔ محزوں پہ اب چشمِ کرم یا ربہمیشہ کی ہے اہلِ درد کی چارہ گری تو نے