نعتِ رسول مقبول صلی اللہ علیہ وسلم منظور احسن عباسیؔدونوں جہاں کے واسطے رحمت حضور صلی اللہ علیہ وسلم ہیںواللہ! کائنات کی عزت حضور صلی اللہ علیہ وسلم ہیںانفاسِ پاک گوشِ تخیّل کا نغمہ زارمیری نگاہِ شوق کی جنت حضور صلی اللہ علیہ وسلم ہیںاہلِ صفا و صدق و عدالت صحابہ رضی اللہ عنہم ہیں!عینِ صفا و صدق و عدالت حضور صلی اللہ علیہ وسلم ہیںوہ فخرِ کائنات کہ ہیں افضل البشرنازاں ہے جس بشر پہ فضیلت، حضور صلی اللہ علیہ وسلم ، میںجو انبیاء بھی آئے امام الاُمم ہوئےکی انبیاء کی جس نے امامت حضور صلی اللہ علیہ وسلم ہیںلا تئیسوا! خدائے غفور و رحیم ہےلا تقنطوا! کہ شافعِ اُمّت حضور صلی اللہ علیہ وسلم ہیںکل کائنات قدرتِ حق کا صحیفہ ہےاور اس میں ایک آیتِ رحمت حضور صلی اللہ علیہ وسلم ہیں