Maktaba Wahhabi

نکاح کے مسائل

مؤلف: محمد اقبال کیلانی

ناشر: حدیث پبلیکیشنز لاہور

136
مسئلہ 151 حیض یا نفاس ختم ہونے کے بعد لیکن غسل کرنے سے پہلے صحبت کرنا منع ہے۔ عَنِ ابْنِ عَبَّاسٍ رَضِیَ اللّٰہُ عَنْہُمَا عَنِ النَّبِیِّ صلی اللّٰه علیہ وسلم قَالَ ((اِذَا کَانَ دَمًا اَحْمَرَ فَدِیْنَارٌ وَ اِذَا کَانَ دَمًا أَصْفَرَ فَنِصْفُ دِیْنَارٍ)) رَوَاہُ التِّرْمِذِِیُّ[1] (صحیح) حضرت عبداللہ بن عمر رضی اللہ عنہما سے روایت ہے کہ نبی اکرم صلی اللہ علیہ وسلم نے فرمایا’’(حیض یا نفاس والی عورت کے)خون کا رنگ جب سرخ ہو تو(جماع کرنے کا کفارہ)ایک دینار سونا ہے اور اگر خون کا رنگ زرد ہو (یعنی خون آنا رک چکا ہو لیکن ابھی غسل نہ کیا ہو)تو(جماع کرنے کا کفارہ)نصف دینار سوناہے ۔‘‘ اسے ترمذی نے روایت کیا ہے۔ وضاحت : ایک دینار کا وزن چار گرام کے برابر ہے۔ مسئلہ 152 بیوی سے دُبر(پاخانے والی جگہ)میں صحبت کرنامنع ہے۔ عَنْ اَبِیْ ہُرَیْرَۃَ رضی اللّٰه عنہ قَالَ : قَالَ رَسُوْلُ اللّٰہِ صلي اللّٰه عليه وسلم (مَلْعُوْنٌ مَنْ اُتَی امْرَأَۃً فِیْ دُبُرِہَا )) رَوَاہُ اَحْمَدُ[2] (صحیح) حضرت ابوہریرہ رضی اللہ عنہ کہتے ہیں رسول اللہ صلی اللہ علیہ وسلم نے فرمایا’’جو شخص اپنی بیوی کے پاس آئے اور اس کی دبر(پاخانے والی جگہ)میں صحبت کرے وہ ملعون ہے۔‘‘اسے احمد نے روایت کیا ہے۔ عَنِ ابْنِ عَبَّاسٍ رَضِیَ اللّٰہُ عَنْہُمَا قَالَ : قَالَ رَسُوْلُ اللّٰہِ صلي اللّٰه عليه وسلم ((لاَ یَنْظُرُ اللّٰہُ اِلٰی رَجُلٍ اَتٰی رَجُلاً اَوِ امْرَأَۃً فِی الدُّبُرِ )) رَوَاہُ التِّرْمِذِیُّ[3] (حسن) حضرت عبداللہ بن عباس رضی اللہ عنہما کہتے ہیں رسول اللہ صلی اللہ علیہ وسلم نے فرمایا’’اللہ تعالیٰ اس آدمی کی طرف نظر رحمت نہیں فرماتا جو(اپنی شہوت پوری کرنے کے لئے)مرد کے پاس آئے یا عورت کے ساتھ دبر(پاخانے والی جگہ)میں صحبت کرے۔‘‘اسے ترمذی نے روایت کیا ہے۔ مسئلہ 153 شوہر بیوی کو ہمبستری کے لئے بلائے تو بیوی کو شرعی عذر کے بغیر انکار نہیں کرنا چاہئے۔
x
صفحہعنوان
10بسم اللّٰه الرحمن الرحيم
73نیت کے مسائل
74نکاح کی فضیلت
78نکاح کی اہمیت
80نکاح کی اقسام
85نکاح،قرآن مجید کی روشنی میں
93نکاح کے احکام
97نکاح میں ولی کی موجودگی
103حق مہر کے مسائل
108خطبہ نکاح کے مسائل
110ولیمہ کے مسائل
113منگیتر کو دیکھنے کے مسائل
116نکاح میں جائز امور
118نکاح میں ممنوع امور
119خوشی کے موقع پر جائز امور
121خوشی کے موقع پرناجائز امور
131نکاح سے متعلق دعائیں
132ہم بستری کے آداب
138مثالی شوہر کی خوبیاں
142نیک بیوی کی اہمیت
145مثالی بیوی کی خوبیاں
150شوہر کے حقوق کی اہمیت
152شوہر کے حقوق
156بیوی کے حقوق کی اہمیت
159بیوی کے حقوق
163میاں بیوی کے ایک دوسرے پر مشترک حقوق
165غیر مسلم میاں،بیوی میں سے کسی ایک کا مسلمان ہونا
167نکاح ثانی کے مسائل
170تمہارے لئے اللہ کے رسول صلی اللہ علیہ وسلم کی زندگی میں بہترین نمونہ ہے
175حرام رشتے
180نومولود کے حقوق
185والدین کے حقوق
188متفرق مسائل
Flag Counter