سچی بات سے ناخوش ہوتی ہے اور مجھے اس ورطہ ہلاکت سے نجات کا کوئی چارہ میسر نہیں آ رہا ؎باہر کہ راست گفتم فی الحال خصمِ من شدخاموشی از ہمہ بہ چوں حق نمی تواں گفتمجھ پر اس سے زیادہ کوئی امر شاق نہیں ہے کہ یہ لوگ اب بھی میرے ساتھ دوست داری کا اظہار کرتے ہیں، حالانکہ اگر ذرا سا بھی قابو پائیں تو خون پینے کو تیار ہو جائیں۔ میں نہیں چاہتا کہ کوئی مجھ سے واسطہ رکھے مگر مگس طینت اپنی طینت سے باز نہیں آتے۔ انہیں معلوم ہے کہ میں ان سے ناخوش ہوں اور ان کی منافقت و عداوت بھی مجھ پر آشکارا ہو چکی ہے۔ اس کے باوجود ہر حیلہ و مکر سے استخباراً و اختباراً در انداز ہونے کو تیار ہیں۔ کاش ان کا یہ رجوع انابت کے طور پر ہوتا۔ لیکن ؎ہرکہ دراصل ناکس افتاد ستبتقالیب دہر کسی نشودسگ مگس را اگر کنی مقلوبقلبِ او غیرِ سگ مگس نشودجس صورت میں یہ واقعہ طلب مجھے رفع و خفض کے سارے صیغوں کا مصدر قرار دیتے ہیں۔ اور دنیا و دین کے اعتبار سے ساری مخلوق میں سے بدترین سمجھتے ہیں۔ اور خود مجھے بھی اقرار ہے کہ ہاں میں سراپا گناہ اور نامہ سیاہ ہوں تو مجھ سے راہ و رسم رکھنے کے کیا معنی؟ الحمدللہ کہ میں ان کے نزدیک سیئات کا مجمع اور یہ اپنے زعم میں حسنات کا منبع ہیں ؎من ارچہ عاشقم درند و مست و نامہ سیاہہزار شکر کہ یارانِ شہر بے گنہ اندمیں تین سال سے اپنے غریب خانہ میں شکستہ پا و خزیدہ ہوں اور