نہ شادی دادسا مانے نہ غم آورد نقصانےبہ پیش ہمتِ ماہر چہ آمد بود مہمانےاور سمجھ لیا کہ مجھ سے کچھ نہیں ہو سکتا، وہ بھی خدا کی طرف سے ایک تنبیہ تھی اور یہ بھی اسی کی طرف سے ایک تسلی ہے۔ خوش حالی اور تنگی سب اُسی ایک ذاتِ پاک کی طرف سے ہے۔بِسْمِ اللّٰهِ رَبِّيْ اللّٰهُ حَسْبِيَ اللّٰهُ تَوَكَّلْتُ عَلَي اللّٰهِ اِعْتَصَمْتُ بِاللّٰهِ فَوَّضْتُ اَمْرِيْ اِلَي اللّٰهِ مَاشَآءَ اللّٰهُ وَلَا حَوْلَ وَلَا قُوَّةَ اِلَّا بِاللّٰهِکیا فائدہ فکرِ بیش و کم سے ہو گاہم کیا ہیں جو کوئی کام ہم سے ہو گاجو کچھ کہ ہوا، ہوا کرم سے تیرےجو کچھ ہو گا، ترے کرم سے ہو گادرد منت کشِ دوا نہ ہوا:میں نے مکمل آٹھ ماہ تاج محل سے علیحدہ ہو کر نور محل میں گزارے اور اس مدتِ دراز میں کسی خویش و بیگانہ نے ایک دن بھی قدم رنجہ نہ فرمایا ؎رنگِ گل، نغمہِ بلبل، اثرِ بادِ بہارجب سے ہم قید ہوئے کوئی گلستاں میں نہیںغرہ جمادی الآخرہ 1303ھ کو میرے اہل بیت نے تنگ آ کر کلکتہ کا سفر اختیار کیا۔ اور میرے تاج محل میں رہنے کی اجازت حاصل کی