Maktaba Wahhabi

نکاح کے مسائل

مؤلف: محمد اقبال کیلانی

ناشر: حدیث پبلیکیشنز لاہور

قَالَتْ: نَعَمْ ! فَقَالَ قَدْ تَزَوَّجْتُکِ۔ ذَکَرَہُ الْبُخَارِیُّ[1] حضرت عبدالرحمٰن بن عوف رضی اللہ عنہ نے ام حکیم بنت قارظ سے پوچھا ’’کیا تو مجھے اپنے نکاح کے بارے میں اختیار دیتی ہے۔ ‘‘ام حکیم نے کہا ’’ہاں! ‘‘ حضرت عبدالرحمٰن نے کہا ’’میں نے تجھے قبول کیا۔‘‘(اور نکاح ہوگیا )اسے بخاری نے روایت کیا ہے۔ قَالَ عَطَائٌ رَحِمَہُ اللّٰہُ : لِیَشْہَدْ اَنِّیْ قَدْ نَکَحْتُکِ ۔ ذَکَرَہُ الْبُخَارِیُّ[2] حضرت عطا رضی اللہ عنہ کہتے ہیں مرد کو گواہوں کے سامنے یوں کہنا چاہیے ’’میں نے تجھ سے نکاح کیا۔‘‘ (یعنی تجھے قبول کیا )بخاری نے اس کا ذکر کیا ہے۔ مسئلہ 53 دینداری میں کفو کا لحاظ رکھنا واجب و فرض ہے مسئلہ 54 حسب و نسب شکل و صورت اور مال و دولت میں کفو کا لحاظ رکھنا منع نہیں۔ عَنْ اَبِیْ ہُرَیْرَۃَ رضی اللّٰه عنہ عَنِ النَّبِیِّ صلی اللّٰه علیہ وسلم قَالَ (( تُنْکِحُ الْمَرْأَۃُ لِأَرْبَعٍ لِمَالِہَا ، وَلِحَسْبِہَا وَ لِجَمَالِہَا وَلِدِیْنِہَا فَاظْفُرْ بِذَاتِ الدِّیْنِ تَرِبَتْ یَدَاکَ )) رَوَاہُ الْبُخَارِیُّ[3] حضرت ابوہریرہ رضی اللہ عنہ سے روایت ہے کہ نبی اکرم صلی اللہ علیہ وسلم نے فرمایا ’’عورت سے چار چیزوں کے پیش نظر نکاح کیا جاتا ہے اس کے مال ودولت کی وجہ سے یا اس کے حسب و نسب کی وجہ سے یا اسکی خوبصورتی کی وجہ سے یا اس کی دینداری کی وجہ سے۔(اے انسان! )تیرے ہاتھ خاک آلود ہوں ،دیندار عورت سے نکاح کرنے میں کامیابی حاصل کر ۔‘‘اسے بخاری نے روایت کیا ہے۔ مسئلہ 55 نکاح کے لئے کم از کم دو پرہیز گار اور عادل گواہوں کی شہادت و گواہی ضروری ہے۔ عَنْ عِمْرَانِ بْنِ حُصَیْنٍ رضی اللّٰه عنہ قَالَ : قَالَ رَسُوْلُ اللّٰہِ صلي اللّٰه عليه وسلم ((لاَ یَحِلُّ نِکَاحٌ اِلاَّ بِوَلِیٍّ وَ صِدَاقٍ وَ شَاہِدَیْ عَدْلٍ )) رَوَاہُ الْبَیْہَقِیُّ[4] (صحیح)
x
صفحہعنوان
10بسم اللّٰه الرحمن الرحيم
73نیت کے مسائل
74نکاح کی فضیلت
78نکاح کی اہمیت
80نکاح کی اقسام
85نکاح،قرآن مجید کی روشنی میں
93نکاح کے احکام
97نکاح میں ولی کی موجودگی
103حق مہر کے مسائل
108خطبہ نکاح کے مسائل
110ولیمہ کے مسائل
113منگیتر کو دیکھنے کے مسائل
116نکاح میں جائز امور
118نکاح میں ممنوع امور
119خوشی کے موقع پر جائز امور
121خوشی کے موقع پرناجائز امور
131نکاح سے متعلق دعائیں
132ہم بستری کے آداب
138مثالی شوہر کی خوبیاں
142نیک بیوی کی اہمیت
145مثالی بیوی کی خوبیاں
150شوہر کے حقوق کی اہمیت
152شوہر کے حقوق
156بیوی کے حقوق کی اہمیت
159بیوی کے حقوق
163میاں بیوی کے ایک دوسرے پر مشترک حقوق
165غیر مسلم میاں،بیوی میں سے کسی ایک کا مسلمان ہونا
167نکاح ثانی کے مسائل
170تمہارے لئے اللہ کے رسول صلی اللہ علیہ وسلم کی زندگی میں بہترین نمونہ ہے
175حرام رشتے
180نومولود کے حقوق
185والدین کے حقوق
188متفرق مسائل
Flag Counter