امْرَاَتَيْنِ تَذُوْدٰنِ۰ۚ قَالَ مَا خَطْبُكُمَا۰ۭ قَالَتَا لَا نَسْقِيْ حَتّٰى يُصْدِرَ الرِّعَاۗءُ ] (القصص:۲۳) ترجمہ:اور دوعورتیں الگ کھڑی اپنے(جانوروں کو)روکتی ہوئی دکھائی دیں، پوچھا کہ تمہارا کیاحال ہے،وہ بولیں کہ جب تک یہ چرواہے واپس نہ لوٹ جائیں ہم پانی نہیں پلاتیں…۔ اس آیت کریمہ میں ان دونوں عورتوں کے عمل کو سراہا گیا ہے،جو مردوں سے بالکل الگ تھلگ کھڑی تھیں،اور ان کے رویے سے شدت کی ناراضگی ٹپک رہی تھی۔ خواتین کے تعلق سے یہ ایک ازلی یعنی ہمیشہ کا ادب محسوس ہوتا ہے ،[فِطْرَتَ االلّٰه الَّتِيْ فَطَرَ النَّاسَ عَلَيْہَا۰ۭ ]یہ اللہ تعالیٰ کی وہ فطرت ہے جس پر لوگوں کو پیدا فرمایا ہے۔ ابواسیدرضی اللہ عنہ فرماتے ہیں:رسول اللہ صلی اللہ علیہ وسلم مسجد سے باہر تشریف لائے،راستے میں دیکھا کہ مرد اور عورتیں ساتھ ساتھ چل رہی ہیں،ارشاد فرمایا: اے عورتو! پیچھے ہٹو، راستے کے بیچو ں بیچ چلنا ،تمہارا کام نہیں ہے ،بلکہ تم کنارے کنارے چلو ۔ یہ سن کر عورتیں اس طرح کنارے سے لگ گئیں کہ دیواروں سے چپک کر چلنا شروع کردیا،حتی کہ بعض اوقات ان کا کپڑا دیوار میں اٹک جاتا۔ [1] عبداللہ بن عمررضی اللہ عنہما سے مروی ہے،جب رسول اللہ صلی اللہ علیہ وسلم مسجد کی تعمیر فرماچکے تو ایک دروازہ عورتوں کیلئے مخصوص کردیااور فرمایا :(لایلجن من ھذا الباب من الرجال أحد) یعنی: اس دروازے سے کبھی کوئی مرد داخل نہ ہو۔ [2] ام المؤمنین عائشہ صدیقہ رضی اللہ عنہا کی لونڈی ،ان کی خدمت میں حاضر ہوکر کہنے لگی: آج میں نے بیت اللہ کا طواف کیا ہے اور سات چکروں کے دوران دویاتین بار حجر |
Book Name | چہرے اور ہاتھوں کا پردہ |
Writer | فضیلۃ الشیخ علی بن عبداللہ النمی |
Publisher | مکتبۃ عبداللہ بن سلام لترجمۃ کتب الاسلام |
Publish Year | |
Translator | فضیلۃ الشیخ عبداللہ ناصر رحمانی |
Volume | ایک جلد |
Number of Pages | 222 |
Introduction | زیر نظر کتاب علی بن عبداللہ النمی کی تالیف ہے اور اس کا اردو ترجمہ فضیلۃ الشیخ عبداللہ ناصر رحمانی صاحب حفظہ اللہ نے کیا ہے، اس کتاب میں خواتین کے پردے کے حوالے سے سیر حاصل بحث کی گئی ہے، اس میں ایسے تمام شبہات کا تعاقب کیا گیا ہے جن پر ان لوگوں کا اعتماد تھا جو مسلم خاتون کو بے پردگی کی دعوت دینے میں کوشاں و حریص ہیں،کتاب بنیادی طور پر دو ابواب میں منقسم ہے ، ایک باب میں ان شبہات کا جائزہ لیا گیا ہے جو چہرے کے پردے سے متعلق ہیں اور دوسرا باب ہاتھوں کے ڈھانپنے کے وجوب سے متعلق شہبات کے ازالے پر مشتمل ہے۔ |