جدید معیشت،تجارت مروجہ اسلامی بینکاری میزان شریعت میں خصوصی اشاعت
مؤلف: المدینہ اسلامک ریسرچ سینٹر کراچی
ناشر: المدینہ اسلامک ریسرچ سینٹر کراچی
183
مشارکہ متناقصہDiminishing Musharakahمشارکہ عربی کا لفظ ہے جس کا مطلب ہے شراکت داری ۔ اصطلاحی طور پر فقہا ء نے مشارکہ کی مختلف تعریفات کی ہیں جو کہ تقریبا ہم معنی ہیں، ان تعریفات میں سے ایک یہ ہے کہ:’’ الإجتماع في إستحقاق أو تصرف ‘‘کسی چیز کے استحقاق (حق ملکیت ) یا اس کے تصرف میں (دو یا دو سے زائد افراد کا) جمع ہوجانا[1]۔ یعنی دو یا دو سے زائد افراد مل کر کوئی چیز خریدیں یا اس کی ملکیت بغیر کسی معاہدہ کے دونوں کو مل جائے ، یا دو یا دو سے زائد افراد مل کر سرمایہ لگا کر کوئی کاروبار شروع کریں اور اس کے منافع میں حصہ دار بنیں۔مشارکہ کے جواز کی دلیل اللہ رب العزت کا فرمان ہے: {فَإِنْكَانُواأَكْثَرَمِنْذَلِكَفَهُمْشُرَكَاءُفِيالثُّلُثِ}[النساء: 12] ’’اگر (میت ) کی وراثت میں (میت کے بھائی بہن ) دو سے زائد ہوں تو وہ مال کے تیسرے حصہ میں شراکت دار ہیں‘‘۔ایک اور مقام پر اللہ تعالی کا فرمان ہے: {ضَرَبَاللّٰهُمَثَلًارَّجُلًافِيْهِشُرَكَآءُمُتَشَاكِسُوْنَ}[الزمر: 29] ’’اللہ تعالی مثال بیان کرتا ہے ایسے شخص کی جس (کی ملکیت) میں کئی شراکت دار ہیں جو ایک دوسرے سے جھگڑتے ہیں‘‘۔اﷲ تعالی کا فرمان ہے: {وَإِنَّكَثِيْرًامِّنَالْخُلَطَآءِلَيَبْغِيْبَعْضُهُمْعَلٰىبَعْضٍإِلَّاالَّذِيْنَآمَنُوْاوَعَمِلُواالصَّالِحَاتِ}[ص: 24]ترجمہ:’’اور بیشک بہت سے شراکت دار ایک دوسرے پر ظلم کرتے ہیں ، سوائے ان کے جو ایمان لائے اور نیک عمل کئے‘‘۔