نیز لکھتے ہیں :کَذٰلِکَ الذِّکْرُ جَھْرًا یُکْرَہُ فِعْلُہٗ خَلْفَ الْجَنَازَۃِ، وَلَیْسَ فِیْہِ أَجْرٌ لِلذَّاکِرِ وَلَا لِلْمَیِّتِ ۔’’جنازہ کے پیچھے اونچی آواز سے ذکر مکروہ ہے، اس میں ذاکر (ذکر کرنے والے) اور میت کے لیے کوئی اجر نہیں ہے ۔‘‘(کتاب اللّمع في الحوادث والبِدَع : 216)3.فتاویٰ عالمگیری وغیرہ میں ہے : ’’جنازے کے ساتھ جانے والوں کو خاموش رہنا واجب ہے اور بلند آواز سے ذکر کرنا اور قرآن پڑھنا مکروہ ہے، اگر اللہ کا ذکر کرنا چاہیں ، تو اپنے دل میں کریں ۔‘‘(فتاویٰ عالمگیری : 1/162، فتاویٰ قاضی خان : 1/92 بحوالہ جاء الحق از نعیمی : 1/408)4.ایک عالم لکھتے ہیں :رَفْعُ الصَّوْتِ بِالذِّکْرِ وَقِرَائَ ۃِ الْقُرْآنِ وَقَوْلِھِمْ کُلُّ حَيٍّ یَمُوْتُ وَنَحْوِ ذٰلِکَ خَلْفَ الْجَنَازَۃِ بِدْعَۃٌ ۔’’جنازہ کے ساتھ بآواز بلند ذکر، قرأت قرآن، لوگوں کا یہ کہنا کہ ہر زندہ مرے گا اور اس طرح کی دوسری باتیں بدعت ہیں ۔‘‘(فتاویٰ سراجیہ : 23)5.محمد رکن دین لکھتے ہیں :’’سوال : جو لوگ جنازہ کے ہمراہ ہوں ان کو کلمہ طیبہ راستہ میں پڑھنا کیسا ہے؟