دعوت دین کِسے دیں؟

ز: حضرات ائمہ احمد، ترمذی اور حاکم نے حضرت انس بن مالک رضی اللہ عنہ سے روایت نقل کی ہے، کہ انہوں نے بیان کیا: ’’رسول اللہ صلی اللہ علیہ وسلم نے ارشاد فرمایا:

’’إِنَّ الرَّسَالَۃَ وَالنُّبُوَّۃَ قَدِ انْقَطَعَتْ فَلَا رَسُوْلَ بَعْدِيْ وَلَا نَبِيٌّ۔‘‘[1]

’’بے شک رسالت و نبوت (کا سلسلہ) یقینا منقطع ہوچکا ہے، پس میرے بعد نہ کوئی رسول ہے اور نہ کوئی نبی۔‘‘

ح: امام احمد نے حضرت ابوطفیل رضی اللہ عنہ سے روایت نقل کی ہے، کہ انہوں نے بیان کیا: ’’رسول اللہ صلی اللہ علیہ وسلم نے ارشاد فرمایا:

’’لَا نُبُوَّۃَ بَعْدِيْ إِلَّا الْمُبَشِّرَاتِ۔‘‘

’’میرے بعد بشارتوں کے سوا کوئی نبوت نہیں۔‘‘

انہوں نے بیان کیا: ’’عرض کیا گیا:

’’وَمَا الْمُبَشِّرَاتُ یَا َرسُوْلَ اللّٰہِ؟‘‘

’’بشارتیں کیا ہیں یا رسول اللہ صلی اللہ علیہ وسلم ؟‘‘

آنحضرت صلی اللہ علیہ وسلم نے فرمایا:

’’اَلرُّؤْیَا الْحَسَنَۃُ‘‘ أَوْ قَالَ: ’’اَلرُّؤْیَا الصَّالِحَۃُ۔‘‘[2]