Maktaba Wahhabi

طہارت کے مسائل

مؤلف: الشیخ اقبال کیلانی

ناشر: حدیث پبلیکیشنز

حضرت عبداللہ بن عباس رضی اللہ عنہا سے روایت ہے کہ رسول اللہ صلی اللہ علیہ وسلم نے غسل حیض سے قبل اپنی بیوی سے صحبت کرنے والے آدمی کے بارے میں ارشاد فرمایا’’کہ وہ ایک دینار(4گرام ) یا نصف دینار (2 گرام )صدقہ کرے۔‘‘اسے ابوداؤد نے روایت کیاہے۔ عَنِ ابْنِ عَبَّاسٍ رَضِیَ اللّٰہُ عَنْہُمَا عَنِ النَّبِیِّ صلی اللّٰه علیہ وسلم قَالَ (( اِذَا کَانَ دَمًا اَحْمَرَ فَدِیْنَارٌ وَاِذَا کَانَ دَمًا اَصْفَرَ فَنِصْفُ دِیْنَارٍ )) ۔رَوَاہُ التِّرْمِذِیُّ[1] (صحیح) حضرت عبداللہ بن عباس رضی اللہ عنہا سے روایت ہے کہ نبی اکرم صلی اللہ علیہ وسلم نے فرمایا’’جب حائضہ کے خون کی رنگت سرخ ہو اور اس سے صحبت کی جائے تو ایک دینار صدقہ ہے،اگر خون کی رنگت زرد ہو تو (صحبت کرنے پر)نصف دینار صدقہ ہے۔‘‘اسے ترمذی نے روایت کیاہے۔ (مسئلہ نمبر92)حائضہ کو مسلسل قرآن پاک کی تلاوت کرنا منع ہے البتہ ایک ایک آیت توڑ کر پڑھ سکتی ہے۔ قَالَ اِبْرَاہِیْمُ رَحِمَہُ اللّٰہُ :لاَ بَاسَ اَنْ تَقْرَاَ الْآیَۃَ ۔رَوَاہُ الْبُخَارِیُّ[2] حضرت ابراہیم(نخعی)رحمہ اللہ کہتے ہیں کہ حائضہ قرآن مجید کی ایک آیت پڑھ لے تو کوئی حرج نہیں۔ اسے بخاری نے روایت کیاہے۔ (مسئلہ نمبر93)حائضہ قرآن مجید کو ہاتھ نہ لگائے اگر پکڑنا ضروری ہو تو کپڑے سے پکڑنا چاہئے۔ کَانَ اَبُوْ وَائِلٍ رضی اللّٰه عنہ یُرْسِلُ خَادِمَہُ وَہِیَ حَائِضٌ اِلَی اَبِی رَزِیْنٍ لِتَاتِیَہُ بِالْمُصْحَفِ فَتُمْسِکُہُ بِعِلاَقَتِہِ ۔رَوَاہُ الْبُخَارِیُّ[3] حضرت ابو اوائل رضی اللہ عنہ اپنی خادمہ کو حالت حیض میں ابو رزین رضی اللہ عنہ کے پاس قرآن مجید لانے کے لئے بھیجتے اور وہ قرآن مجید کا نیفہ پکڑ کر لادیتی تھیں۔اسے بخاری نے روایت کیاہے۔
x
صفحہعنوان
6بسم اللہ الرحمٰن الرحیم
19نیت کے مسائل
21طہارت کی فضیلت
23طہارت کی اہمیت
25پانی کے مسائل
28رفع حاجت کے مسائل
36نجاست دور کرنے کے مسائل
42جنابت کے مسائل <mfnote>
48حیض اور نفاس کے مسائل <mfnote>
59استحاضہ کے مسائل <mfnote>
64غسل کے مسائل
72وضو کے مسائل
84تیمم کے مسائل
87متفرق مسائل
91ضعیف اور موضوع احادیث
Flag Counter