اصول حدیث

اسے بخاری کی روایت واضح کرتی ہے ‘ کہ آپ نے کہا :

(أسْبِغُوا الوُضُوءَ) فإنَّ أبا القاسِمِ صلي اللّٰہُ عليه وسلم قال:’’ ويْلٌ لِلْأَعْقابِ مِنَ النّارِ ۔‘‘[1]

’’(اچھی طرح وضوء کرو)، بیشک ابو القاسم صلی اللہ علیہ وسلم فرماتے ہیں : (خشک)ایڑیوں کے لئے آگ کا عذاب ہے۔‘‘

وسط ِ حدیث کی مثال : رسول اللہ صلی اللہ علیہ وسلم پر نزولِ وحی شروع ہونے کے بارے میں حضرت عائشہ رضی اللہ عنہا کی روایت ہے‘ جس میں وہ فرماتی ہیں :

((وكانَ يَلْحَقُ بغارِ حِراءٍ فَيَتَحَنَّثُ فيه (وھو التعبد ) اللَّيالِيَ ذَواتِ العَدَدِ۔))[2]

’’ آپ صلی اللہ علیہ وسلم غار ِ حراء میں خلوت نشین ہوتے اور کئی راتوں تک بندگی (عبادت) کرتے رہتے ۔‘‘

یہ الفاظ: ’’ (وھو التعبد) امام زہری رحمہ اللہ کی طرف سے ادراج ہے ۔ جسے ان ہی کی سند سے بخاری کی ایک روایت ظاہر کرتی ہے ‘ جس کے الفاظ یہ ہیں :

((وكانَ يَلْحَقُ بغارِ حِراءٍ فَيَتَحَنَّثُ فيه -قال:والتحنث التعبد ) اللَّيالِيَ ذَواتِ العَدَدِ ۔))

آخر حدیث کی مثا ل: حضرت ابو ہریرہ رضی اللہ عنہ کی روایت ہے : بیشک رسول اللہ صلی اللہ علیہ وسلم نے فرمایا:

((إن أمتي یدعون یوم القیامۃ غراً محجلین من آثار الوضوء ۔