Maktaba Wahhabi

زاد الخطیب (جلد1)

مؤلف: ڈاکٹر حافظ محمد اسحاق زاہد

ناشر: مرکز الفلاح الخیری لاہور

سال شائع: 2014

594
اور دوسری شرط یہ ہے کہ وہ عمل نبی کریم صلی اللہ علیہ وسلم کی سنتِ مبارکہ کے مطابق ہو ۔ فرمان الٰہی ہے: {فَمَن کَانَ یَرْجُو لِقَائَ رَبِّہِ فَلْیَعْمَلْ عَمَلاً صَالِحًا وَّلَا یُشْرِکْ بِعِبَادَۃِ رَبِّہِ أَحَدًا}[1] ’’ لہٰذا جو شخص اپنے رب سے ملنے کی امید رکھتا ہو اسے چاہئے کہ وہ نیک عمل کرے اور اپنے رب کی عبادت میں کسی دوسرے کو شریک نہ کرے ۔‘‘ اور حضرت ابو ہریرہ رضی اللہ عنہ کا بیان ہے کہ رسول اللہ صلی اللہ علیہ وسلم نے ارشاد فرمایا: (( إِنَّ اللّٰہَ لَا یَنْظُرُ إِلٰی صُوَرِکُمْ وَأَمْوَالِکُمْ،وَلٰکِنْ یَّنْظُرُ إِلٰی قُلُوْبِکُمْ وَأَعْمَالِکُمْ[2])) ’’بے شک اللہ تعالیٰ تمھاری شکلوں اور تمھارے مالوں کی طرف نہیں بلکہ تمھارے دلوں اور تمھارے اعمال کی طرف دیکھتا ہے۔ ‘‘ نیز آپ صلی اللہ علیہ وسلم نے فرمایا : (( تُعْرَضُ الْأَعْمَالُ فِیْ کُلِّ یَوْمِ خَمِیْسٍ وَاثْنَیْنِ،فَیَغْفِرُ اللّٰہُ عَزَّ وَجَلَّ فِیْ ذٰلِکَ الْیَوْمِ لِکُلِّ امْرِیئٍ لَا یُشْرِکُ بِاللّٰہِ شَیْئًا،إِلَّا امْرَأً کَانَتْ بَیْنَہُ وَبَیْنَ أَخِیْہِ شَحْنَائُ فَیُقَالُ:اُرْکُوْا ہٰذَیْنِ حَتّٰی یَصْطَلِحَا،اُرْکُوْا ہٰذَیْنِ حَتّٰی یَصْطَلِحَا[3])) ’’ ہر جمعرات اور سوموار کو اعمال پیش کئے جاتے ہیں ، چنانچہ اللہ تعالیٰ ہر اس شخص کی مغفرت کردیتا ہے جو اس کے ساتھ کسی کو شریک نہیں کرتا ، سوائے اس آدمی کے کہ اس کے اور اس کے بھائی کے درمیان بغض اور کینہ پایا جاتا ہو تو کہاجاتا ہے : ان دونوں کو ڈھیل دے دو یہاں تک کہ صلح کرلیں، ان دونوں کو ڈھیل دے دو یہاں تک کہ صلح کرلیں ۔‘‘ ان دونوں احادیث سے ثابت ہوا کہ تصحیح ِ عقائد کے بعد اصلاحِ اعمال ضروری امرہے لہٰذا رسول اللہ صلی اللہ علیہ وسلم کی سنتِ مبارکہ کی روشنی میں اپنے اعمال کی اصلاح کا اہتمام کرناچاہئے ۔ تبلیغ ِ دین کی اہمیت خطبۂ یوم النحر کی تیسری اہم بات ‘ جو خطبۂ عرفات میں نہیں تھی ‘ وہ یہ ہے کہ اس میں رسول اللہ صلی اللہ علیہ وسلم نے فرمایا : (( فَلْیُبَلِّغِ الشَّاہِدُ الْغَائِبَ)) یعنی ’’جو موجود ہے وہ غیر موجود تک اللہ کا دین پہنچائے۔‘‘ اس سے معلوم
x
صفحہعنوان
5جمعیۃ احیاء التراث الاسلامی ( کویت ) کا پیغام دعاۃ ومبلغین حضرات کے نام
7تقاریظ از شیخ الحدیث مولانا حافظ ثناء اللہ مدنی صاحب حفظہ اللہ
23مقدمہ
34پیش لفظ از مولانا عبد الخالق محمد صادق مدنی حفظہ اللہ
78ماہِ محرم اور یومِ عاشوراء
96فضائلِ صحابہ رضی اللہ عنہم
118ہجرتِ مدینہ
143ماہِ صفر اور بد شگونی
153رسول اکرم صلی اللہ علیہ وسلم کے فضائل ومعجزات اور آپ کی خصوصیات
180جشن میلاد النبی صلی اللہ علیہ وسلم کی شرعی حیثیت
200اُمت پر نبی کریم صلی اللہ علیہ وسلم کے حقوق
225رسول اکرم صلی اللہ علیہ وسلم کا اعلی اخلاق
247ماہِ رجب کی بدعات
264اسراء ومعراج
291تحفۂ معراج … نماز آنکھوں کی ٹھنڈک اور دل کا سکون
314ماہ ِ شعبان۔۔۔فضائل واحکام
330انفاق فی سبیل اللہ
358رمضان المبارک ۔ نیکیوں کا موسم بہار
380فضائل ِ قرآن مجید
402توبہ اور استغفار ۔۔۔۔ فوائد وثمرات
428رمضان المبارک کا آخری عشرہ
443خطبۂ عید الفطر
463فضائلِ حرمین شریفین
488حج کے فضائل ، احکام اور آداب (۱)
510حج کے فضائل ، احکام اور آداب (۲)
529عشرۂ ذوالحجہ کے فضائل واعمال
551خطبۂ عید الاضحی
573خطبۂ حجۃ الوداع ( ۱)
593خطبۂ حجۃ الوداع (۲)
Flag Counter