Maktaba Wahhabi

زاد الخطیب (جلد1)

مؤلف: ڈاکٹر حافظ محمد اسحاق زاہد

ناشر: مرکز الفلاح الخیری لاہور

سال شائع: 2014

تقریظ از شیخ الحدیث مولانا حافظ عبد الستار حماد صاحب حفظہ اللہ الحمد للّٰه رب العالمین والصلوۃ والسلام علی سید المرسلین، محمد و آلہ وصحبہ اجمعین ۔ اہل اسلام ہفتہ میں ایک دن اللہ کی عباد ت اور وعظ و تذکیر کے ذریعے اپنے ایمان کو تازہ کرنے کے لئے مساجد میں جمع ہوتے ہیں، اس بنا پر اس دن کو جمعہ کے نام سے موسوم کیا گیا ہے ۔ ہم مسلمانوں کے ہاں وہ دن بہت مقدس اور قدر ومنزلت کا حامل ہے ۔ پہلی امتوں کوعبادت کے لیے یہ دن اختیار کرنے کا حکم دیا گیا تھا مگر وہ گمراہ ہو ئیں اور اس دن کا اپنے لیے انتخاب نہ کر سکیں ۔یہود نے اپنے لئے ہفتہ کا دن اور عیسائیوں نے اتوار کا دن منتخب کیا، مگر اللہ رب العزت نے امت ِمسلمہ کے لیے جمعۃ المبارک کا دن منتخب فرمایا ۔ چنانچہ حضرت ابوہریرۃ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ’’ہم آخر میں آنے والے ہیں لیکن قیامت کے دن سب سے سبقت لے جانے والے ہوں گے گو اہل کتاب کو کتابِ ہدایت ہم سے پہلے دی گئی ۔ پھر اس دن (جمعہ )کی تعظیم بجا لانا ان پر فرض کیا گیا مگر انہوں نے اس دن کے متعلق اختلاف کیا ۔ اللہ تعالیٰ نے ہمیں اس دن ہدایت عطا فرمائی ۔ اب دوسرے لوگ ہمارے پیچھے ہیں ۔ یعنی یہودیوں کا دن ہمارے ایک دن بعد اور عیسائیوںکا دن ہمارے دن کے دو دن بعد آتاہے۔[1] جمعہ کے دن کی خصوصیت یہ ہے کہ اس دن عام مسلمانوں کو وعظ ونصیحت کرنے کا اہتمام ہوتا ہے ، اس بناء پر خطبۂ جمعہ اسلامی شعار اور اہم تر ین اسلامی فریضہ ہے ۔ اس کے بغیر نمازِ جمعہ کی ادائیگی درست نہیں ہے ۔خطبۂ جمعہ ہفتہ وار ایسی یاد دہانی ہے جس میں مسلمان ایک شرعی فریضہ کی ادائیگی کے لیے حاضر ہوتے ہیں ، وہ اس واجب ِشرعی سے عہدہ برآ ہونے کے لیے مساجد میں جمع ہوتے ہیں اور خطبۂ جمعہ کو مکمل خاموشی کے ساتھ سن کر اللہ تعالیٰ کی بندگی کا فریضہ سر انجام دیتے ہیں ۔ پھر چونکہ خطبۂ جمعہ ارشادات ربانی او رفرمودات ِنبوی صلی اللہ علیہ وسلم کی روشنی میں متوازن اور مضبوط موقف پر مبنی ہوا کرتا ہے لہٰذا اس سے حاضرین صحیح افکار اخذ کرتے ہیں ،اسلامی عقیدہ اور شرعی احکام ومسائل سے آگاہی حاصل کرتے ہیں ،نیز وہ شریعت اسلامیہ کی ذمہ داریوں کو نبھاتے ہیں پھر مختلف قسم کے واقعات و حوادث او رنئے نئے مسائلِ زندگی کے متعلق بھی باخبر ہوتے ہیں ۔ایسے حالات میں خطیب کے لیے ضروری ہے کہ وہ اپنے خطبہ کے لئے بھرپور تیاری کرے او رسامعین کے علمی اور ثقافتی مقام کے مطابق موضوع کا انتخاب کرے۔ کامیاب خطیب کی علامت یہ ہے کہ وہ سامعین کی توقعات کوملحوظ خاطر رکھتے ہوئے موقع محل کے مطابق گفتگوکرتا ہے ۔
x
صفحہعنوان
5جمعیۃ احیاء التراث الاسلامی ( کویت ) کا پیغام دعاۃ ومبلغین حضرات کے نام
7تقاریظ از شیخ الحدیث مولانا حافظ ثناء اللہ مدنی صاحب حفظہ اللہ
23مقدمہ
34پیش لفظ از مولانا عبد الخالق محمد صادق مدنی حفظہ اللہ
78ماہِ محرم اور یومِ عاشوراء
96فضائلِ صحابہ رضی اللہ عنہم
118ہجرتِ مدینہ
143ماہِ صفر اور بد شگونی
153رسول اکرم صلی اللہ علیہ وسلم کے فضائل ومعجزات اور آپ کی خصوصیات
180جشن میلاد النبی صلی اللہ علیہ وسلم کی شرعی حیثیت
200اُمت پر نبی کریم صلی اللہ علیہ وسلم کے حقوق
225رسول اکرم صلی اللہ علیہ وسلم کا اعلی اخلاق
247ماہِ رجب کی بدعات
264اسراء ومعراج
291تحفۂ معراج … نماز آنکھوں کی ٹھنڈک اور دل کا سکون
314ماہ ِ شعبان۔۔۔فضائل واحکام
330انفاق فی سبیل اللہ
358رمضان المبارک ۔ نیکیوں کا موسم بہار
380فضائل ِ قرآن مجید
402توبہ اور استغفار ۔۔۔۔ فوائد وثمرات
428رمضان المبارک کا آخری عشرہ
443خطبۂ عید الفطر
463فضائلِ حرمین شریفین
488حج کے فضائل ، احکام اور آداب (۱)
510حج کے فضائل ، احکام اور آداب (۲)
529عشرۂ ذوالحجہ کے فضائل واعمال
551خطبۂ عید الاضحی
573خطبۂ حجۃ الوداع ( ۱)
593خطبۂ حجۃ الوداع (۲)
Flag Counter