اتباع سنت کے مسائل

مسئلہ نمبر 41:صحابہ کرام رضی اللہ عنہم ، رسول اکرم صلی اللہ علیہ وسلم کے قول یا فعل کے خلاف کسی قسم کی بات سننا یا اسے معمولی سمجھنا سخت ناپسند فرماتے تھے۔

عَنِ ابْنِ عُمَرَ رَضِیَ اللّٰہُ عَنْہُمَا اَنَّ رَسُوْلَ اللّٰہِ صلی اللّٰہ علیہ وسلم قَالَ((لاَ تَمْنَعُوْا إِمَائَ اللّٰہِ اَنْ یُصَلِّیَنَّ فِی الْمَسْجِدِ))فَقَالَ ابْنٌ لَہٗ اِنَّا لَنَمْنَعُہُنَّ فَغَضِبَ عَضْبًا شَدِیْدًا وَ قَالَ اَتُحَدِّثُکَ عَنْ رَسُوْلِ اللّٰہِ صلی اللّٰہ علیہ وسلم وَ تَقُوْلُ اِنَّا لَنَمْنَعُہُنَّ ۔ رَوَاہُ ابْنُ مَاجَۃَ [1](صحیح)

حضرت عبداللہ بن عمر رضی اللہ عنہما سے روایت ہے کہ نبی اکرم صلی اللہ علیہ وسلم نے فرمایا ’’کوئی شخص اللہ کی بندیوں کو مسجد میں آنے سے نہ روکے۔‘‘حضرت عبداللہ رضی اللہ عنہ کے بیٹے نے کہا ’’ہم تو روکیں گے۔‘‘ حضرت عبداللہ رضی اللہ عنہ سخت ناراض ہوئے اور فرمایا ’’میں تیرے سامنے حدیث ِ رسول صلی اللہ علیہ وسلم بیان کر رہا ہوں اور تو کہتا ہے کہ ہم انہیں ضرور روکیں گے۔‘‘ اسے ابن ماجہ نے روایت کیا ہے۔

عَنْ عَبْدِاللّٰہِ بْنِ مُغَفَّلٍ رضی اللّٰہ عنہ اَنَّہٗ کَانَ جَالِسًا اِلٰی جَنْبِہِ ابْنُ اَخٍ لَہٗ فَخَذَفَ فَنَہَاہُ وَ قَالَ اِنَّ رَسُوْلَ اللّٰہِ صلی اللّٰہ علیہ وسلم نَہٰی عَنْہَا فَقَالَ((اِنَّہَا لَا تَصِیْدُ صَیْدًا وَ لاَ تَنْکِیْ عَدُوًّا وَ اِنَّہَا تَکْسِرُ السِّنَّ وَ تَفْقَأُ الْعَیْنَ))قَالَ:فَعَادَ ابْنُ اَخِیْہِ فَخَذَفَ ، فَقَالَ:اُحَدِّثُکَ اَنَّ رَسُوْلَ اللّٰہِ صلی اللّٰہ علیہ وسلم نَہٰی عَنْہَا ثُمَّ عُدْتَ تَخْذِفُ لاَ أُکَلِّمُکَ اَبَدًا۔ رَوَاہُ ابْنُ مَاجَۃَ [2](صحیح)

حضرت عبداللہ بن مغفل رضی اللہ عنہ سے روایت ہے کہ ان کا بھتیجا پہلو میں بیٹھا کنکریاں پھینک رہا تھا۔ حضرت عبداللہ رضی اللہ عنہ نے اسے منع کیا اور بتایا کہ نبی اکرم صلی اللہ علیہ وسلم نے اس سے منع فرمایا ہے نیز نبی اکرم صلی اللہ علیہ وسلم کا ارشاد مبارک ہے کہ ایسا کرنے سے نہ تو شکار ہو سکتا ہے نہ دشمن کو نقصان پہنچایا جا سکتا ہے ، البتہ اس سے(کسی کا)دانت ٹوٹ سکتا ہے یا آنکھ پھوٹ سکتی ہے۔ بھتیجے نے دوبارہ کنکریاں پھینکنی شروع کردیں ، تو حضرت عبداللہ رضی اللہ عنہ نے کہا ’’میں نے تجھے بتایا ہے کہ نبی اکرم صلی اللہ علیہ وسلم نے اس سے منع فرمایا ہے اور تو پھر وہی کام کررہاہے ، لہٰذا میں تجھ سے اب کبھی بات نہیں کروں گا۔‘‘ اسے ابن ماجہ نے روایت کیا ہے۔

عَنْ عِمْرَانَ بْنِ حُصَیْنٍ رضی اللّٰہ عنہ قَالَ:قَالَ رَسُوْلُ اللّٰہِ صلی اللّٰہ علیہ وسلم((اَلْحَیَائُ خَیْرٌ کُلُّہٗ))قَالَ اَوْ