تقوی، اہمیت،برکات اور اسباب

اساس ہے۔[1]

(۹) عفو در گذر کرنا

بندے کو تقویٰ سے قریب کرنے والی ایک بات عفو و در گذر کرنا ہے۔ اللہ عزوجل نے فرمایا:

{وَ أَنْ تَعْفُوْٓا أَقْرَبُ لِلتَّقْوٰی} [2]

[اور تمہارا معاف کر دینا تقویٰ سے زیادہ قریب ہے۔]

شیخ سعدی نے اپنی تفسیر میں تحریر کیا ہے: ’’پھر اللہ تعالیٰ نے عفو و در گذر سے کام لینے کی ترغیب دیتے ہوئے فرمایا، کہ معاف کرنے والا تقویٰ سے زیادہ قریب ہوتا ہے ، کیونکہ ایسا کرنا احسان ہے ، جو کہ شرحِ صدر کا موجب ہے۔‘‘ [3]

(۱۰) قصاص

اللہ کریم نے قصاص کو فرض کیا اور اس کو تقویٰ کا سبب بنایا۔ اللہ جل جلالہ نے ارشاد فرمایا:

{وَ لَکُمْ فِی الْقِصَاصِ حَیٰوۃٌ یّٰأُو لِي الْأَلْبَابِ لَعَلَّکُمْ تَتَّقُوْنَ}[4]

[اے عقل مندو! اور تمہارے لیے قصاص میں زندگی ہے ، تاکہ تم تقویٰ اختیار کرو۔]

قاضی ابن عطیہ اپنی تفسیر میں لکھتے ہیں: {تَتَّقُوْن} : اس کا معنی یہ ہے ، کہ تم قتل کرنے سے اجتناب کر کے قصاص سے بچ جاؤ ۔ پھر یہی بات تقویٰ کے دیگر کاموں کے لیے سبب بن جائے گی، کیونکہ اللہ تعالیٰ اپنی اطاعت گزاری کا بدلہ مزید تابعداری کی توفیق کے ساتھ فرماتے ہیں۔ [5]