قرآن مجید کے حقوق

ضرور کرے اگرچہ وہ حق بات کرنا چاہتا ہے تو احترام کو ملحوظ خاطر رکھ کر کیونکہ مقصود تو اصلاح ہے نہ کہ فساد ہے اور کسی بھی کام میں جب اللہ تعالیٰ کی رضا مقصود ہو تو اس کو کشمکش کا شکار ہونے سے بچانا انتہائی فراست کی علامت ہے اس لیے اگر اس کے جذبات اللہ تعالیٰ نے زندہ رکھے ہیں تو پہلے اپنے نفس کو کنٹرول کرے پھر کسی کو قائل کرے کیونکہ اللہ تعالیٰ کے رسول صلی اللہ علیہ وسلم نے تو فرمایا:

((اَلْمُجَاہِدُ مَنْ جَاہَدَ نَفْسَہٗ فِی اللّٰہِ۔))[1]

’’مجاہد وہ ہے جو اللہ تعالیٰ کے راستے میں اپنے نفس سے جہاد کرے۔ ‘‘

اسے برائی اور بدتمیزی اور ہر غلط سوچ و فکر اور قول و فعل سے بچائے اس لیے داعی کو مجاہد بننا چاہیے جو اپنے نفس سے جہاد کرتا ہو امیدان کا رزار میں اُترے اور دشمن اسلام کو ناکوں چنے چبوادے۔ اس لیے بدتمیزی سے بچ کر احترام کو ملحوظ رکھنا ضروری ہے اور اس لیے بھی ضروری ہے کہ جس کو آپ برا کہہ رہے ہیں ممکن ہے کہ کل کو وہ صحیح ہو جائے جو آج تمھارا دشمن ہے وہ کل کو بہترین ساتھی اور ہم نشین بن جائے۔ اسی لیے شاعر کہتا ہے کہ اپنے ساتھی پر اتنا اعتماد نہ کیا جائے کیونکہ کل کو وہ بھی دشمن بن سکتا ہے جس طرح دشمن ساتھی بن سکتاہے۔

لَا تُظْہِرَنَّ مُوَدَّۃً لِحَبِیْبٍ فَتَرَی بِعَیْنِکَ مِنْہُ کُلَّ عَجِیْبٍ

أَظْہَرْتُ یَوْمًا لِلْحَبِیْبِ مُوَدَّتِیْ فَأَخَذْتُ مِنْ ہِجْرَانِہِ بِنَصِیْبِ

’’اپنے دوست کے لیے بھی اتنی محبت ظاہر نہ کریں عنقریب تو اس سے بھی عجیب چیزیں دیکھے گا میں نے اپنے حبیب کو اپنی محبت کو بتلایا تو مجھے اس کی ناراضگی کاحصہ لینا پڑا۔ ‘‘

اس لیے دشمن سے ایک مرتبہ ڈریں تو دوست سے ہزار مرتبہ ڈرنا چاہیے بقول شاعر: