دعا کے مسائل

عَنْ اَبِیْ ہُرَیْرَۃَ رضی اللّٰه عنہ قَالَ : قَالَ رَسُوْلُ اللّٰه صلي اللّٰه عليه وسلم((لَاَنْ اَقُوْلُ ] سُبْحَانَ اللّٰہِ وَالْحَمْدُ لِلّٰہِ وَ لاَ اِلٰہَ اِلاَّ اللّّٰہُ وَاللّٰہُ اَکْبَرُ[ اَحَبُّ اِلَیَّ مِمَّا طَلَعَتْ عَلَیْہِ الشَّمْسُ))رَوَاہُ مُسْلِمٌ[1]

حضرت ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا’’اللہ پاک ہے‘ حمد اللہ کے لائق ہے‘ اللہ کے سوا کوئی الٰہ نہیں اور اللہ سب سے بڑا ہے۔‘‘ کہنا مجھے ہر اس چیز سے محبوب ہے جس پر سورج طلوع ہوتا ہے۔‘‘اسے مسلم نے روایت کیا ہے۔

مسئلہ نمبر 209 درج ذیل تسبیح پڑھنے والے کے لئے جنت میں کھجور کا درخت لگایا جاتا ہے۔

عَنْ جَابِرٍ رضی اللّٰه عنہ قَالَ : قَالَ رَسُوْلُ اللّٰه صلي اللّٰه عليه وسلم((مَنْ قَالَ ]سُبْحَانَ اللّٰہِ الْعَظِیْمِ وَ بِحَمْدِہٖ[ غُرِسَتْ لَہٗ نَخْلَۃٌ فِی الْجَنَّۃِ))

رَوَاہُ التِّرْمِذِیُّ [2](صحیح)

حضرت جابر رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا’’ جس نے ’’عظمت والا اللہ اپنی حمد کے ساتھ پاک ہے۔‘‘ کہا‘ اس کے لئے جنت میں کھجور کا ایک درخت لگایا جاتا ہے۔‘‘اسے ترمذی نے روایت کیا ہے۔

مسئلہ نمبر 210 درج ذیل دو کلمات اللہ تعالیٰ کو بہت محبوب ہیں۔

عَنْ اَبِیْ ہُرَیْرَۃَ رضی اللّٰه عنہ قَالَ : قَالَ رَسُوْلُ اللّٰہِ صلي اللّٰه عليه وسلم((کَلِمَتَانِ حَفِیْفَتَانِ عَلَی اللِّسَانِ ثَقِیْلَتَانِ فِی الْمِیْزَانِ حَبِیْبَتَانِ اِلَی الرَّحْمٰنِ ]سُبْحَانَ اللّٰہِ وَ بِحَمْدِہٖ، سُبْحَانَ اللّٰہِ الْعَظِیْمِ[))مُتَّفَقٌ عَلَیْہِ [3]

حضرت ابوہریرہ رضی اللہ عنہ کہتے ہیں رسول اللہ صلی اللہ علیہ وسلم نے فرمایا’’ دو کلمے ایسے ہیں۔ جو زبان سے ادا کرنے میں بڑے آسان ہیں لیکن میزان میں ان کا وزن بہت زیادہ ہے اللہ تعالیٰ کو بہت زیادہ پسند ہیں(وہ یہ ہیں)’’اللہ اپنی حمد کے ساتھ(ہر خطا سے)پاک ہے‘ عظمت والا اللہ پاک ہے۔‘‘اسے بخاری اور مسلم نے روایت کیاہے۔