| ہے ، اس کے علاوہ بھی بہت سے اعتقادی امور و مسائل زیرِ بحث آئیں گے ۔ اللہ تعالیٰ اس کانفع عام فرمادے اور رسالے کے مؤلف ،شارح، مترجم اور طباعت میں جملہ مساھمین و معاونین کو جزائے خیر عطا فرمائے۔ کتاب کے سلسلہ میں ہمارے تلمیذ شیخ محمد داؤد شاکر حفظہ اللہ جنہوں نے بعض مقامات کا ترجمہ کیا اور پروف ریڈنگ کی ، کی کوشش انتہائی قابلِ قدر ہے ، کمپوزنگ کے سلسلہ میں حافظ زبیر حفظہ اللہ کی محنتِ شاقہ بھی لائقِ تحسین ہے ،طباعت کے سلسلہ میں فضیلۃ الشیخ علی بن عبد اللہ النمی حفظہ اللہ کا تعاون ہمارے لئے تقویت اور حوصلہ افزائی کا باعث ہے، فجزاھم اللّٰه عنا وعن المسلمین خیرالجزاء۔ اس رسالہ کی صحت وصواب من جانب اللہ وبتوفیق ﷲ ہے اور ہر لغزش شیطان کی طرف سے ہے۔قارئین سے التماس ہے کہ ہمیں ترجمہ کی اخطا ء سے آگاہ فرمائیں تاکہ اگلے ایڈیشن میں اصلاح کرلی جائے۔ واللّٰه تعالیٰ ولی التوفیق ۔ وصلی اللّٰه علی نبیہ محمد و علی آلہ وصحبہ وأھل طاعتہ أجمعین۔ وکتب ذلک /عبد اللہ ناصر الرحمانی مدیر:مکتبۃ عبداللّٰه بن سلام لترجمۃ کتب الاسلام |
| Book Name | عقیدہ فرقہ ناجیہ |
| Writer | فضیلۃ الشیخ الدکتور صالح بن فوزان بن عبداللہ الفوزان |
| Publisher | مکتبہ عبداللہ بن سلام لترجمۃ کتب الاسلام |
| Publish Year | |
| Translator | علامہ عبداللہ ناصر رحمانی |
| Volume | |
| Number of Pages | 352 |
| Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |