’’استواء‘‘ اللہ تعالیٰ کی صفت ِفعلیہ ہے جو دیگر تمام صفات کی طرح اللہ تعالیٰ کیلئے اسطرح ثابت ہے جیسے اس کی عظمت وجلالت کے لائق ہے۔ کلمہ’’ استویٰ ‘‘ کے لغتِ عرب میں چار معانی ہیں۔’’علا ‘‘ ،’’ارتفع‘‘ ،’’صعد‘‘،اور ’’استقر‘‘ استویٰ پر مشتمل تمام آیات کی تفسیر جو سلف صالحین سے منقول ہے وہ انہی معانی پر دائر اور قائم ہے۔ { إِنَّ رَبَّکُمُ اللّٰه الَّذِیْ خَلَقَ السََّمٰوَاتِ وَالْاَرْضَ فِیْ سِتَّۃِ أَیَّامٍ ثُمَّ اسْتَویٰ عَلَی الْعَرْشِ } (الأعراف:۵۴) ترجمہ’’بے شک تمہار ارب اللہ ہی ہے جس نے سب آسمانوں اور زمین کو چھ روز مین پیداکیا پھر عرش پر قائم ہوا۔ { إِنَّ رَبَّکُمُ اللّٰه الَّذِیْ خَلَقَ السَّمٰوَاتِ وَالْأَرْضَ فِیْ سِتَّۃِ أَیَّامٍ ثُمَّ اسْتَوٰی عَلَی الْعَرْشِ } (یونس :۳) ترجمہ:’’بلاشبہ تمہارا رب اللہ ہی ہے جس نے آسمانوں اور زمین کو چھ روز میں پیدا کردیا پھر عرش پر قائم ہوا۔ … شر ح … پہلی دو آیات میں قولہ تعالیٰ ’’ إِنَّ رَبَّکُمُ اللّٰه ‘‘ سے مراد یہ ہے کہ صرف اللہ تعالیٰ ہی تمہارا خالق ہے اور اپنی نعمتوں کے ساتھ تمہارا مربی ہے تو پھر ضروری ہے کہ تم صرف اسی خالق اور مربی کی عبادت کرو۔ ’’ اللّٰه الَّذِیْ خَلَقَ السَّمٰوَاتِ وَالْأَرْضَ‘‘ یعنی اللہ تعالیٰ تمام عالَم کا خالق ہے، آسمانوں، زمینوں اور ان کے مابین ہر چیز کا ۔ ’’ فِیْ سِتَّۃِ أَیَّامٍ ‘‘ یعنی اللہ تعالیٰ نے تمام عالَم کو چھے دن میں پیدا فرمایا ،یہ چھے دن اتوار، پیر، منگل ،بدھ ،جمعرات اور جمعہ ہیں ،جب |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |