… شرح… ’’ لَھُمْ مَایَشَائُ وْنَ فِیْھَا ‘‘ یعنی مؤمنین کیلئے جنت میں وہ تمام نعمتیں ہیں جن کا ان کا جی چاہے گااور جن سے ان کی آنکھیں لذت محسوس کریں گی ۔’’ وَلَدَیْنَامَزِیْدٌ‘‘ یعنی ان نعمتوں کے علاوہ ایک اور مزید نعمت بھی ہے اور وہ اللہ تعالیٰ کے چہرے کو دیکھنا ہے۔ اس آیت سے شاہد بھی یہی ہے یعنی جنت میں اللہ تعالیٰ کے چہرے کو دیکھنے کااثبات۔ مذکورہ آیات سے مستفاد امور: (۱) اہل ایمان کا قیامت کے دن اپنے پروردگار کو دیکھنے کا اثبات ۔ (۲) اہلِ جنت کو ملنے والی نعمتوں میں سب سے بڑی نعمت اللہ تعالیٰ کے چہرے کی زیارت ہے۔ صحابہ،تابعین اور أ ئمۃ المسلمین کا یہی موقف ہے، البتہ روافض ،جہمیہ اور معتزلہ اس رؤیت کی نفی کرتے ہیں، ان کا یہ نظریہ کتاب وسنت ،اجماع سلف اور اجماع أئمۃ المسلمین کے خلاف ہے، یہ لوگ انتہائی کمزور شبہات اور باطل تعلیلات پر اعتماد کرتے ہیں، جن میں چند ہم ذیل کی سطور میں پیش کررہے ہیں۔ (۱) کہتے ہیں: اثبات رؤیت سے اللہ تعالیٰ کا جہت میں ہونا لازم آتا ہے،اور اگر اللہ تعالیٰ کیلئے جہت میں ہونا مان لیا جائے تو اس سے اس کا جسم ہونا لازم آتا ہے ( جب کہ اللہ تعالیٰ جسم سے منزہ ہے) الجواب: اس شبہ کا جواب یہ ہے کہ لفظِ جہت مجمل ہے، اگر جہت سے مراد یہ ہے کہ اللہ تعالیٰ مخلوق میں سے کسی میں حلول کرچکا ہے،تویہ باطل اور مردود ہے اور قطعی ادلہ اس کا رد کرتی ہیں۔اور اگر جہت سے مراد یہ ہے کہ اللہ تعالیٰ اپنی تمام مخلوقات کے اوپر ہے تو یہ معنی تو اللہ تعالیٰ کیلئے ادلہ سے ثابت ہے، اور اس کی نفی کرنا باطل ہے،نیزاس کا جہتِ علو میں ہونا رؤیت |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |