چنانچہ رسول اللہ صلی اللہ علیہ وسلم کا فرمان: [لایزنی الزانی حین یزنی وھو مؤمن،ولایسرق السارق حین یسرق و ھو مؤمن، ولایشرب الخمر حین یشربھا وھومؤمن ،ولاینتھب نھبۃ ذات شرف یرفع الناس إلیہ فیھا ابصارھم حین ینتھبھا وھو مؤمن ] (بخاری ومسلم) ترجمہ’’ زانی جب ز نا کررہا ہوتا ہے اس وقت وہ مؤمن نہیںہوتا، چوری جب چوری کررہا ہوتا ہے اس وقت وہ مؤمن نہیں ہوتا اور ڈاکوجب کسی عمدہ نفیس شیٔ پر ڈاکہ ڈال رہا ہوتا ہے اور لوگ اسی کی طرف آنکھیں اٹھائے دیکھ رہے ہوتے ہیںتو وہ بھی اس وقت مؤمن نہیںہوتا ] حدیث کا مطلب یہ ہے کہ زانی ،چور اور ڈاکو کامل الایمان مؤمن نہیں ہوتا ،حدیث میں زانی، چور اور ڈاکوسے کمالِ ایمان کی نفی کی گئی ہے جمیع ایمان کی نہیں ،اس کی دلیل یہ ہے کہ زانی،چور اور ڈاکو باجماع ا لمسلمین وراثت کے حق دار نہیں،کتاب وسنت کے دیگر بہت سے نصوص اس با ت پر دلالت کرتے ہیں کہ یہ لوگ ان کبائر کی وجہ سے مرتد نہیں ہوجاتے ،جو اس بات کی صریح دلیل ہے کہ اس حدیث میں کمال ایمان کی نفی کی گئی ہے ،جمیع ایمان کی نہیں۔ آخر میں شیخ رحمہ اللہ بحثِ سابق کا نتیجہ اورفاسق مسلمان کے حکم کا خلاصہ بیان کرتے ہوئے فرماتے ہیں:’’ ونقول ھو مؤمن ناقص الایمان اومؤمن بایمانہ فاسق بکبیرۃ، فلایعطی الاسم المطلق ولایسلب مطلق الاسم‘‘ یعنی ’’فاسق مسلمان کے متعلق ہمارا مذہب یہ ہے کہ وہ ناقص الایمان ہوتاہے یایہ کہ اپنے ایمان کی بناپر تو وہ مؤمن ہے البتہ ارتکاب کبیرہ کی بنا پر فاسق ہے‘‘( چنانچہ نہ تو اسے ایمان مطلق (کامل ایمان) کا نام دیا جائے اور نہ ہی مطلقاً اسم ایمان کی نفی کردی جائے) فاسق کے متعلق یہ حکم عدل پر مبنی ہے ،اور دونوں طرح کہ ادلہ کے درمیان جمع کی بھی یہی بہترین صورت ہے ۔ |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |