| ترجمہ:’’اللہ تعالیٰ مؤمنوں پر بہت ہی مہربان ہے‘‘ اس طرح کہیں نہیں آیا ’’رحمٰن بھم‘‘ ( اللہ فلاں کے ساتھ رحمن ہے ،) لہذا ’’الرحمن‘‘صفتِ رحمت اور ’’الرحیم‘‘ فعلِ رحمت پر دلالت کرتے ہیں۔یعنی ’’رحمن‘‘ دلالت کرتا ہے کہ رحمت اللہ کی صفت ہے اور ’’رحیم ‘‘دلالت کرتا ہے کہ اللہ تعالیٰ اپنی رحمت سے اپنی مخلوق پر فعلاًرحمت کرتا ہے‘‘ { رَبَّنَاوَسِعْتَ کُلَّ شَیْئٍ رَّحْمَۃً وَعِلْمًا } ( ا لغافر:۷) ترجمہ:’’اے ہمارے پروردگار تو نے ہر چیز کو اپنی رحمت وعلم سے گھیر رکھا ہے‘‘ … شر ح … اللہ تعالیٰ کے اس فرمان میں حاملینِ عرش فرشتوں کے متعلق خبر دی جارہی ہے کہ وہ اہلِ ایمان کیلئے استغفار کرتے ہوئے کہتے ہیں ’’ رَبَّنَاوَسِعْتَ کُلَّ شَیْئٍ رَّحْمَۃً وَعِلْمًا‘‘یعنی ائے اللہ تیر ی رحمت اور علم ہرچیز پر وسیع ہے،یہ آیت اللہ تعالیٰ کی رحمت کی وسعت وعموم پر دلالت کرتی ہے،چنانچہ دنیا میں ہر مسلم وکافر کو اللہ تعالیٰ کی رحمت پہنچتی ہے ،لیکن آخرت میں اللہ کی رحمت صرف مؤمنوں کے ساتھ خاص ہوگی۔ ملاحظہ:آیتِ کریمہ میں ’’رحمۃً‘‘ اور’’علماً‘ ‘بربناء تمییز منصوب ہیں ،یہاں تمییز محوَّل عن الفاعل ہے ۔ { وَکَانَ بِالْمُؤْمِنِیْنَ رَحِیْمًا } (الاحزاب:۴۳ ) ترجمہ:’’اللہ تعالیٰ مؤمنوں پر بہت ہی مہربان ہے‘‘ … شر ح … |
| Book Name | عقیدہ فرقہ ناجیہ |
| Writer | فضیلۃ الشیخ الدکتور صالح بن فوزان بن عبداللہ الفوزان |
| Publisher | مکتبہ عبداللہ بن سلام لترجمۃ کتب الاسلام |
| Publish Year | |
| Translator | علامہ عبداللہ ناصر رحمانی |
| Volume | |
| Number of Pages | 352 |
| Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |