… شر ح … ’’ فَاعْبُدْہُ ‘‘ یعنی صرف اللہ کی عبادت کریں اور اس کے ساتھ کسی اور کی عبادت نہ کریں۔ ’’العبادۃ‘‘ کا لغوی معنی ذلت وانکساری ہے جبکہ شرعی اصطلاح میں عبادت ایک ایسا جامع نام ہے جو ان تمام اعمال واقوال ،جو اللہ تعالیٰ کو پسند ہوں پر بولا جاتا ہے ، وہ اعمال واقوال ظاہری ہوں یا باطنی ۔ ’’وَاصْطَبِرْ لِعِبَادَ تِہٖ‘‘ یعنی اللہ کی عبادت پر جم جائیں اور اسے لازم کرلیںاور اس کی راہ میں جو مشقتیں آئیں ان پرصبر کریں۔ ’’ھَلْ تَعْلَمُ لَہٗ سَمِیًّا‘‘ استفہام انکاری ہے ،معنی ہوگا،اللہ کے مثل کوئی نہیں کہ اسے شریک فی العبادۃ کیا جائے۔ { وَلَمْ یَکُنْ لَّہٗ کُفُوًااَحَدٌ }(الاخلاص:۴) ترجمہ:’’ اور نہ کوئی اس کا ہمسر ہے‘‘ … شر ح … ’’ وَلَمْ یَکُنْ لَّہٗ کُفُوًااَحَدٌ ‘‘ لغت عرب ’’الکفو‘ ‘بمعنی نظیر ومثل کے ہے،یعنی اللہ کی مخلوق میں سے کوئی اس کا مثل وشریک نہیں ۔ { فَلَا تَجْعَلُوْا لِلّٰهِ اَنْدَادًا وَّاَنْتُمْ تَعْلَمُوْنَ 22} (البقرۃ:۲۲) ترجمہ:’’ خبردار باوجود جاننے کے اللہ کے ساتھ شریک مقرر نہ کرو‘‘ … شر ح … ’’ فَلَا تَجْعَلُوْا لِلّٰهِ اَنْدَادًا ‘‘ ’’الند‘‘لغت میں مثل ،نظیر اور شبیہ کو کہتے ہیں،یعنی اللہ کے مثل کسی کو نہ بناؤ کہ اللہ کے ساتھ ساتھ ان کی بھی عبادت کرنے لگواور محبت وتعظیم میں انہیں اللہ کے برابر جاننے لگو،’’ وَّاَنْتُمْ تَعْلَمُوْنَ‘‘یعنی تم جانتے ہوکہ اللہ ہی تمہارا رب وخالق ہے اور ہی ہرچیز کا خالق ہے، اور مخلوق میں سے کوئی بھی اس کا شریک نہیں۔ |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |