الحمد اللّٰه الذی ارسل رسولہ بالھدی ودین الحق لیظھرہ علی الدین کلہ وکفی باللّٰه شھیدا ۔وأشھدأن لاالہ الا اللّٰه وحدہ لاشریک لہ اقرارا بہ وتوحیدا ۔ وأشھد أن محمدا عبدہ ورسولہ صلی اللّٰه علیہ وعلیٰ آلہ وسلم تسلیما مزیدا ۔ عبارت کی تشریح … شر ح … مؤلف رحمہ اللہ نے اپنے اس عظیم الشان رسالہ کا آغاز اس خطبہ سے فرمایا ہے ،جو کہ اللہ تعالیٰ کی حمد وثناء ،شھادتین (یعنی توحید ورسالت کی گواہی) اور رسول اللہ صلی اللہ علیہ وسلم کی ذاتِ اقدس پر درود وسلام پر مشتمل ہے ۔ اس سے رسول اللہ صلی اللہ علیہ وسلم کی اقتداء مقصود ہے ،چنانچہ آپ صلی اللہ علیہ وسلم کی اہم گفتگواور خطبے حمد وثناء ،درود و سلام اور شھادتین سے شروع ہوتے تھے ۔نیز اس سے نبی صلی اللہ علیہ وسلم کے اس فرمان پر بھی عمل مقصود ہے : [کل أ مر ذی با ل لایبدأ فیہ بحمد ا للّٰه فھو اقطع ] ( ابوداؤد) ترجمہ:[اہمیت والا کوئی بھی کام اگر الحمد للہ سے شروع نہ کیا جائے تو وہ برکت سے خالی ہوگا] ایک روایت میں ’’ا لحمد ﷲ‘‘ کی جگہ ’’بسم اللّٰه ا لرحمن ا لرحیم ‘ ‘کے الفاظ وارد ہوئے ہیں۔ ان دونوں روایتوں میں جمع کی صورت یہ ہے کہ بسم اللّٰه الرحمن الرحیم سے شروع کرنا ابتداءِ حقیقی ہے ، جبکہ الحمد اللّٰه سے آغاز ابتداءِ نسبی اور اضافی ہے۔ ’’ الحمد ﷲ‘‘ میں الف لام استغراقی ہے ۔ جس کامعنی یہ ہے کہ تمام تعریفوں کا صرف اللہ تعالیٰ ہی مالک اور مستحق ہے ۔ ’’حمد ‘‘ کا لغوی معنی ایسی ثناء جو صفاتِ جمیلہ اور افعالِ حسنہ کیساتھ کی جائے ۔عرفِ |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |