ہے:{ اَ لَا اِنَّ اَوْلِیَائَ اللّٰه لَاخَوْفٌ عَلَیْھِمْ وَلَاھُمْ یَحْزَنُوْنَ ۔ اَلَّذِیْنَ اٰمَنُوا وَکَانُوا یَتَّقُوْنَ } (یونس:۶۲،۶۳) ترجمہ:’’یاد رکھو اللہ کے دوستوں پر نہ کوئی اندیشہ ہے اور نہ وہ غمگین ہوتے ہیں۔ وہ ، وہ ہیں جو ایمان لائے اور (برائیوں) سے پرہیز رکھتے ہیں‘‘ ’’الولی‘‘ ’’الولاء‘‘ سے مشتق ہے جس کا معنی محبت اور قرب ہے ،تو ولی اللہ وہ شخص ہوتا ہے جو اللہ تعالیٰ کی پسند اور مرضی کے کاموں میں اس کی موافقت کرکے اس سے محبت کرتا ہے۔ کراماتِ اولیاء برحق ہیں ،کتاب وسنت اورصحابہ وتابعین سے منقول ہیں آثارِ متواترہ اس بات پر دلالت کر تے ہیں ،کراماتِ اولیاء کے متعلق لوگوں کی تین قسمیں ہیں۔ (۱) جو سرے سے نفی کرتے ہیں ،جیسے معتزلہ ،جہمیہ اور بعض اشاعرہ وغیرہ ، ان کا کہنا ہے کہ اگر اولیاء کے ہاتھوں پر امور خوارق کے ظہور کو جائز مان لیں تو ایک نبی غیر نبی سے ملتبس ہوجائے گا (یعنی نبی اور غیر نبی میں تفریق نہیں ہوسکے گی) کیونکہ نبی اورغیر نبی میں فرق معجزہ ہے جو کہ ایک خرقِ عادت امر ہوتا ہے۔ (۲) جو اثباتِ کرامات میں غلو کرتے ہیں ،جیسے صوفیہ کے طرق کے پیروکار اور قبوریین، یہ لوگ لوگوں کے ساتھ دجل وفریب سے کام لیتے ہیں اور شیطانی خرقِ عادت امور ظاہر کرتے ہیں مثلاً: آگ میں داخل ہونا، اپنے آپ کو اسلحہ سے مارنا، اور سانپوں کو پکڑ لینا وغیرہ جیسے دیگر تصرفات جنہیں یہ لوگ اصحابِ قبور کیلئے ثابت مانتے ہیں اورانہیں ان کی کرامات کہتے ہیں۔ (۳) اہل السنۃ والجماعۃ ،جن کا ذکر شیخ رحمہ اللہ نے اپنی کلام میں فرمایا ہے، چنا نچہ یہ لوگ کراماتِ اولیاء پر ایمان رکھتے ہیں اور انہیں کتاب وسنت کے مقتضیٰ کے مطابق ثابت مانتے ہیں۔ منکرینِ کرامات کی دلیل کہ اس سے نبی اور غیر نبی میں اشتباہ لازم آتا ہے کا جواب اہل السنۃ |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |