اوراس کے بعد کی فصل میں دین کے اصول وفروع میں ان کے طریقہ کو بیان کررہے ہیں اور ان کے ان اوصاف کو بیان کررہے ہیںجن اوصاف کے ساتھ یہ اھل البدع اور دیگر مخالفین سے ممتاز ہیں ،ان کے اوصاف میں سے اہم اوصاف یہ ہیں: (۱) ’’ اتباع آثار النبی صلی اللّٰه علیہ وسلم ظاہراً وباطناً‘‘نبی صلی اللہ علیہ وسلم کے طریقہ ومنہج پر چلنا ظاہرا بھی اور باطناً بھی بخلاف منافقین ،جوکہ ظاہراً تو اس طریقہ ومنہج پر چلتے ہیں لیکن باطناً نہیں۔ ’’آثارِ رسول ‘‘ سے مراد آپ صلی اللہ علیہ وسلم کی سنن ہیں شرعی اصطلاح میں سنت آپ صلی اللہ علیہ وسلم کے قول، فعل اور تقریر کو کہا جاتا ہے ،آپ صلی اللہ علیہ وسلم کے آثار حسیہ مثلاً:آپ صلی اللہ علیہ وسلم کے بیٹھنے اور سونے وغیرہ کے مقامات اس میںشامل نہیں ؛کیونکہ ان مقامات کا تتبع شرک میں واقع ہونے کا سبب بن سکتا ہے، جیسا کہ سابقہ امتوں کے ساتھ ہوچکا ہے۔ (۲) ’’اتباع سبیل السابقین الاولین من المہاجرین والانصار‘‘ ان کی ایک صفت یہ بھی ہے کہ یہ سابقین اولین مہاجرین وانصار کے راستہ کی پیروی کرتے ہیں؛کیونکہ اللہ تعالیٰ نے علم وفقہ میں انہیں دوسروں پر ممتاز کیا ہے ،چنانچہ انہوں نے نزولِ قرآن کا مشاہدہ کیا، قرآن کی تفسیر وتأویل رسول اللہ صلی اللہ علیہ وسلم سے سنی ،کیونکہ انہوں نے یہ دونوں چیزیں بلاواسطہ رسول اللہ صلی اللہ علیہ وسلم سے لی ہیں اس لئے ان کا فہم اقرب الی الصواب ہے اور یہی رسول اللہ کے بعد پیروی کے زیادہ حقدار ہیں چنانچہ اتباع میں رسول اللہ صلی اللہ علیہ وسلم کے بعد انہیں کا درجہ ہیں۔ اگر کسی مسئلہ میں رسول اللہ صلی اللہ علیہ وسلم کی طرف سے نص موجود نہ ہو تو اقوالِ صحابہ حجت ہیں اور ان کی پیروی واجب ہے ،کیونکہ ان کا طریقہ زیادہ محفوظ ،علم پر مبنی اور محکم ہے، بعض متأخرین کا یہ قول سراسر غلط ہے کہ ’’سلف کا طریقہ سب سے محفوظ ہے جبکہ خلف کا طریقہ علم واستحکام پر مبنی ہے‘‘ اسی وجہ سے یہ لوگ خلف کے طریقہ کی پیروی کرتے ہیں اور سلف کے طریقہ کو چھوڑ دیتے ہیں ۔ (۳) اہل السنۃ کی ایک صفت یہ بھی ہے کہ وہ رسول اللہ صلی اللہ علیہ وسلم کی اس وصیت کی مکمل طور پر اتباع کرتے ہیں: |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |