٭ ا لشھداء : شھید کی جمع ہے ،یہ وہ لوگ ہیں جو اللہ تعالیٰ کی راہ میں قتال کرتے ہوئے اللہ تعالیٰ کو اپنی جانوں کا نذرانہ پیش کردیتے ہیں ۔شہید کو شہید اس لیئے کہا جاتا ہے کہ وہ عملِ شہادت کے موقع پر مشہود لہ بالجنۃ ہوتا ہے ،یا پھر اس لیئے کہ شہادت کے موقع پر رحمت کے فرشتے شہید یعنی موجود ہوتے ہیں ۔ ٭ ا لصا لحو ن : صالح کی جمع ہے ، یہ وہ لوگ ہیں جو اللہ تعالیٰ کے تمام حقوق اور پھر بندوں کے تمام حقوق پوری دیانت داری کے ساتھ ادا کرتے ہیں ۔ واضح ہو کہ صراطِ مستقیم بعض اوقات براہِ راست اللہ تعالیٰ کی طرف منسوب مضاف ہوتا ہے، جیسے قولہ تعالیٰ :{ وَاَنَّ ھٰذٰا صِرَاطِیْ مُسْتَقِیْمًا فَاتَّبِعُوْہُ } (الانعام:۱۵۳) ترجمہ:’’اور یہی ہے میرا راستہ اسی کی اتباع کرو ‘‘ صراط کی نسبت اللہ تعالیٰ کی طرف اس لئے ہے کہ یہ عظیم راستہ، اللہ تعالیٰ اور بعض اوقات نیک بندوں کی طرف منسوب ہوتا ہے، جیسے سورئہ فاتحہ کی آیت میں ہے :{ صِرَاطَ الَّذِ یْنَ اَنْعَمْتَ عَلَیْھِمْ } اللہ تعالیٰ کی طرف صراط کی نسبت اس لحاظ سے ہے کہ اللہ تعالیٰ نے یہ راستہ بنایا اور قائم فرمایا ہے ،جبکہ نیک بندوں کی طرف اس لحاظ سے ہے کہ وہ اس راستہ پر چلتے ہیں ۔ قولہ تعالیٰ:{ صِرَاطَ الَّذِ یْنَ اَنْعَمْتَ عَلَیْھِمْ }میں ایک بڑا لطیف نکتہ اور اشارہ ہے اور وہ یہ ہے کہ صراطِ مستقیم پر چلنے والے کو ایک عظیم رفاقت حاصل ہے اور وہ انبیاء وصدیقین وشہداء وصالحین کی ہے ،چنانچہ صراطِ مستقیم پر چلنے والا اپنے آپ کو تنہا نہ سمجھے ،اور اگر زمانہ اس کا ساتھ نہیں دے رہا بلکہ اس پر مخالفت وعداوت کے تیر چلارہا ہے تو وہ کسی خوف ووحشت میں مبتلا نہ ہو بلکہ یہ سوچ کر مطمئن و مسرور ہوجائے کہ جس راہ پر وہ چل رہا ہے اس پر اس کے ہم سفر انبیاء، صدیقین ، شھداء اور صالحین ہیں ۔ اب شیخ رحمہ اللہ کتاب وسنت سے کچھ مثالیں پیش فرمائیں گے جن میں اللہ تعالیٰ کے اسماء وصفات کا اثبات ہے۔ملاحظہ فرمائیے |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |