ایک چیز کی مشیئت فرماتا ہے اور اس سے محبت بھی کرتا ہے ،مثلاً: ایمان اور دیگر نیک اعمال۔ ان آیات کی تشریح { وَأَحْسِنُوا اِنَّ اللّٰه یُحِبُّ ا لْمُحْسِنِیْنَ } (البقرۃ:۱۹۵) ’’اور احسان کرو،اللہ تعالیٰ احسان کرنیوالوں سے محبت کرتا ہے‘‘ … شر ح… اللہ تعالیٰ کافرمان:’’ وَأَحْسِنُوا‘‘ (احسان کرو)یہاں اللہ تعالیٰ کی طرف سے احسان کرنے کا حکم ہے۔جو کسی بھی عمل کو احسن واکمل طریقے سے کرنے کا نام ہے ،’’احسان‘‘ اطاعت کا انتہائی اعلیٰ مقام ہے۔ ’’ اِنَّ اللّٰه یُحِبُّ ا لْمُحْسِنِیْنَ ‘‘’(اللہ تعالیٰ احسان کرنیوالوں سے محبت کرتا ہے) آیتِ کریمہ کا یہ ٹکڑا امر بالاحسان کی علت ہے اور اس میں دوبارہ امر بالاحسان بھی ہے ؛کیونکہ احسان اور اہلِ احسان سے اللہ تعالیٰ کا محبت کرنا امرِ احسان کی بجاآوری پر ابھارنے کا باعث ہے { وَأَقْسِطُوْا اِنَّ اللّٰه یُحِبُّ الْمُقْسِطِیْنَ } (الحجرات:۹) ’’اور عدل کرو،بے شک اللہ تعالیٰ عدل کرنیوالوں سے محبت کرتا ہے‘‘ … شر ح… اللہ تعالیٰ کافرمان: ’’وَأَقْسِطُوْا‘‘(عدل کرو) اللہ تعالیٰ کے فرمان’’وَأَقْسِطُوْا‘‘ میں عدل وانصاف کا حکم ہے جس کا مطلب ہے کہ تمام قسم کے معاملات واحکام میں ہر قریب و بعید کے ساتھ عدل وانصاف کیا جائے۔ |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |