مستوی ہے اور عرش تمام مخلوقات کے اوپر ہے) اوراس حدیث میں اس بات کا بھی اثبات ہے کہ اللہ تعالیٰ اپنے بندوں کے اعمال کا بایں طور احاطہ کئے ہوئے ہے کہ اس پر ان کے اعمال میںسے کوئی چیز مخفی نہیں ہے۔ [أین اللّٰه ؟ قالت: فی السماء ،قال :من أنا؟قالت :انت رسول اللّٰه ۔قال: اعتقھا فإنھا مؤمنۃ] ترجمہ:[آپ صلی اللہ علیہ وسلم نے ایک لونڈی سے فرمایا:اللہ کہا ہے؟ اس نے کہا: آسمان میں، آپ صلی اللہ علیہ وسلم نے پوچھا:میں کون ہوں؟ اس نے کہا: آپ اللہ کے رسول ہیں تو آپ صلی اللہ علیہ وسلم نے فرمایا: اسے آزاد کردو کیونکہ یہ مؤمنہ ہے] (مسلم) …شرح… پوری حدیث اس طرح ہے کہ معاویہ بن الحکم نے اپنی کسی لونڈی کو کسی بات ناراض ہوکر طمانچہ ماردیا،پھر نادم ہوکر رسول اللہ صلی اللہ علیہ وسلم کی خدمت میں حاضر ہوئے اور واقعہ کی خبر دی اور ساتھ ہی کہا کہ کیا میں اسے آزاد کردوں؟ تو آپ صلی اللہ علیہ وسلم نے فرمایا ٹھیک ہے،پہلے اسے میرے پاس لے آؤ،چنانچہ وہ (معاویہ بن الحکم )لونڈی کو رسول اللہ صلی اللہ علیہ وسلم کے پاس لے آئے توآپ صلی اللہ علیہ وسلم نے لونڈی سے دریافت فرمایا: ’’این اللّٰه ؟‘‘ اللہ کہاں ہے ؟لونڈی نے جواب دیا ’’فی السماء‘‘:یعنی اللہ تعالیٰ آسمان پر ہے ۔پھر آپ صلی اللہ علیہ وسلم نے لونڈی سے اپنے متعلق سوال کیا کہ میں کون ہوں؟ لونڈی نے آپ صلی اللہ علیہ وسلم کے رسول ہونے کی شہادت دی تو آپ صلی اللہ علیہ وسلم نے فرمایا اسے آزاد کردو یہ مؤمنہ ہے۔ اس حدیث سے ثابت ہوا کہ اللہ تعالیٰ کے متعلق سوال کرنا کہ ’’وہ کہاں ہے‘‘جائز ہے۔ اس حدیث میںاس بات کی بھی دلیل موجود ہے کہ جو اللہ تعالیٰ کے علو میں ہونے اور جنابِ محمد صلی اللہ علیہ وسلم |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |