{ وَالَّذِ یْنَ جَا ؤُوْ ا مِنْ بَعْدِ ھِمْ یَقُوْلُوْنَ رَبَّنَا اغْفِرْلَنَا وَلِاِخْوَانِنَا الَّذِیْنَ سَبَقُوْنَا بِالْاِیْمَانِ وَلَا تَجْعَلْ فِیْ قُلُوْبِنَا غِلًّا لِّلَّذِ یْنَ اٰمَنُوْا رَبَّنَا اِنَّکَ رَئُ وْفٌ رَّحِیْمٌ } ترجمہ :’’ اور ان کے لئے بھی جو ان (مہاجرین ) کے بعد آئے اور دعا کرتے ہیں کہ ہمارے پروردگار ! ہمارے اور ہمارے بھائیوں کے ،کہ جو ہم سے پہلے ایمان لاچکے ہیں گناہ معاف فرما اور مؤمنوں کے واسطے ہمارے دلوں میں کینہ(بغض )نہ پیدا ہونے دے۔ اے ہمارے رب ! بے شک تو بڑا شفقت کرنے والا اور رحم کرنے والا ہے ‘‘ (ا لحشر: ۱۰) یعنی مہاجرین وانصار کے بعد قیامت تک آنیوالے مسلمان جو انہیں مہاجر وانصار کے نقشِ قدم چلنے والے ہیں ،یہ لوگ اپنے لئے بھی اور جو مسلمان ان سے پہلے گذر چکے ہیں یعنی مہاجرین وانصار وغیرہ ان کیلئے بھی استغفار کرتے ہیں اور یہ دعا کرتے ہیں کہ ’’ ائے اللہ ہمارے دلوں میں کسی قسم کا بغض ،حسد اور کینہ نہ ڈالنا‘‘ اب ان اہل ایمان میں صحابہ کرام تو سب سے پہلے داخل ہیں کیونکہ وہ افضل المؤمنین ہیں اور سیاقِ آیت ہے ہی انہیں کے متعلق۔ امام شوکانی رحمہ اللہ فرماتے ہیں: ’’ جو شخص صحابہ کرام کیلئے استغفار نہیں کرتا اور ان کے حق میں اللہ تعالیٰ کی رضوان کا طالب نہیں تو وہ اس آیت میں مذکور اللہ تعالیٰ کے امر کی مخالفت کررہا ہے ،اوراگر اس کے دل میں ان کے متعلق کوئی بغض وکینہ ہے تو اسے سمجھ لینا چاہیئے کہ اس پر شیبطان کا حملہ کار گر ہوچکاہے ،اور اللہ کے اولیاء اور امت محمدیہ کے بہترین لوگوں کے ساتھ بغض وعداوت رکھ لے ،اللہ تعالیٰ کی نافرمانی کا ایک وافر نصیب ا پنے حصے میں لے چکا ہے ،اور اس نے اپنے لئے محرومی اور رسوائی کا ایک ایسا باب کھول لیا ہے کہ اگر اس نے اللہ کی طرف رجوع نہ کیا اور اپنے دل کو ان خیرالقرون اور اشرف ھذہ الامۃ ،طبقہ کے متعلق بغض وکینہ سے پاک کرنے کیلئے اللہ تعالیٰ سے مدد نہ مانگی تو یہ دروازہ اسے نارِ جہنم تک پہنچا کرچھوڑے گا۔ |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |