تلاوت قرآن میں قراء کرام کے اسالیب

ختم قرآن کے وقت تکبیر کہنا

قراء کرام کے لئے مسنون اعمال میں سے ’’ والضحیٰ ‘‘ کے ختم ہونے کے بعدتمام سورتوں کے مکمل ہونے پر تکبیر کہناہے۔یہاں تک کہ قرآن مجید مکمل ہو جائے یہ عمل نبی کریم صلی اللہ علیہ وسلم سے ثابت ہے جس کو ابن عباس رضی اللہ عنہ اور مکہ کے بہت سے تابعین نے روایت کیا ہے۔

اہل تصنیف کے ہاں حدیث تکبیر کی روایت امام بزّی سے ہے جو کہ ا بو الحسن مکی احمد بن محمد بن عبداللہ ابی بزہ بزی ہیں[1] ان کی روایت کو امام حاکم نے اپنی مستدرک[2] میں ذکر کیا ہے اسی طرح ابو الحسن طاہر بن عبدالمنعم بن غلبو ن الحلبی نے ’’التذکرہ‘‘ میں[3] اور حافظ ابوعمروعثمان بن سعید الدانی [4] نے جامع البیان میں بزّی سے بہت سی اسا نید کے ساتھ