تلاوت قرآن میں قراء کرام کے اسالیب

نماز پڑھنے والا جب فاتحہ میں غلطی کرے گا تو ارکان نماز میں خلل واقع ہونے کی بنا پر اس کی نماز فاسد ہو جائے گی۔ فقہا ء کی اس مسئلہ میں دقیق تفصیل ہے ۔[1]

(1)… لحن جب بہت زیادہ ہو اور معنوی خرابی کا باعث ہو تو بالاتفاق یہ نماز کو فاسد کر دینے والی چیز ہے۔ بعض علماء کا خیال ہے کہ جب غلطی ایسی ہو جس سے پڑھی جانے والی قراءت کوئی اور کلام سمجھی جا رہی ہو تو نماز فاسد کر ے گی چاہے معنوی تبدیلی واقع نہ ہو۔ ہمارا خیال ہے جب غلطی معنی میں تبدیلی واقع کرے تو وہ فاسد نماز ہے جیسے ’’ھمالۃ الھتب ‘‘[2]

(2)… قراءت قرآنی کی موافقت: جب غلطی قراءت قرآنیہ میں سے کسی کے موافق ہو جائے تو نماز فاسد نہیں ہوتی چاہے قاری اس قراءت کو جانتا ہو یا نہ جانتا ہو جیسے (صراط) اور (الصراط) کو سین کے ساتھ یا اشمام کرتے ہوئے زا کے ساتھ پڑھنا۔ [3]