| ہجرت کرنے کا تعلق ان منافقین کے ساتھ تھا جو مدینے کے ارد گرد رہائش پذیر تھے مصنف نے ہجرت کا تعلق عبداللہ بن ابی ابن سلول کی طرف موڑ کر حدیث کو قرآن کے خلاف ٹہرایا جو کہ مصنف کی جہالت کا منہ بولتا ثبوت ہے لہٰذا اب یہ ترتیب نزول اس طرح ہوئی کہ صحابہ کا کہنا کہ نزول آیت عبداللہ بن ابی ابن سلول کے باب میں اتری یہ وہ آیت ہے کہ جس مسئلہ میں مسلمان دو گروہوں میں تقسیم ہوگئے۔دوسری آیت کہ ’’یہاں تک کہ وہ ہجرت نہ کرلیں اللہ کے رستے میں ‘‘اس آیت کا تعلق ان منافقین کی جماعت کے ساتھ تھا جو مدینہ کے ارد گرد رہائش پذیر تھے لہٰذا دونوں کا پس منظر مختلف ہے مصنف نے پہلی آیت کا نزول دوسری آیت کے ساتھ ملاکر مفہوم کو بڑی چالاکی سے بگاڑنے کی کوشش کی۔ لہٰذا مصنف کا اعتراض بدنیتی اور جہالت پر مبنی ہے۔ الحمدللہ حدیث اعتراض سے پاک ہے۔ اعتراض نمبر 35:۔ ’’ وَالَّذِينَ تَبَوَّءُوا الدَّارَ وَالْإِيمَانَ مِنْ قَبْلِهِمْ يُحِبُّونَ مَنْ هَاجَرَ إِلَيْهِمْ وَلَا يَجِدُونَ فِي صُدُورِهِمْ حَاجَةً ‘‘(59؍9)یہ پوری آیت سابقہ آیت پر معطوف ہے اور دونوں آیتوں میں مال فئی کے مصرف کا بیان ہے کہ ضرورت مند مہاجرین اور ضرورت مند انصار اس مال کا مصرف ہیں۔ ۔۔۔۔ان میں سے کسی آیت کے ٹکڑے کے ساتھ اور کسی قصہ کا تعلق نہ ہے۔ ۔۔۔۔۔لیکن ذرا داد دیجئے امام بخاری کی قرآن دانی کی کہ وہ اپنی صحیح میں ابوحازم اشجعی اور ایسے افسانہ گورایوں پر اعتماد کرکے بے لگان ایک قصہ کے ایک ٹکڑے کو۔۔۔۔۔’’ویؤثرون علی انفسھم ‘‘کا شان نزول قرار دیتے ہیں۔ ۔۔۔ مقصد آیت کا کچھ تھا لیکن امام بخاری نے آیت کی تقطیع کرکے ہر ٹکڑے کو الگ کرکے مضمون قرآن کو منتشر کردیا صحیح بخاری 535کتاب المناقب میں وہ قصہ ذکر فرماتے ہیں کہ رسول اللہ صلی اللہ علیہ وسلم کے ایک مہمان کو ایک صحابی میزبان بن کر لے گیا وہ میاں اور بیوی دونوں چراغ بجھاکر خالی چبکارے مارتے رہے کہ گویا وہ بھی کھارہے ہیں اسی طرح مہمان نے سیر ہوکر کھالیا صبح کو رسول اللہ صلی اللہ علیہ وسلم نے فرمایا رات کو جو تم نے کیا تھا اس پر اللہ نے ’’ ویؤثرون علی انفسھم‘‘آیت کا ٹکڑا نازل فرمایا ہے۔ (قرآن مقدس۔ ۔۔۔103-104) |