|
’’إِذَا مَرِجَتْ عُھُوْدُھُمْ وَأَمَانَتُھُمْ ، وَکَانُوْا ھٰکَذَا۔
وَشَبَّکَ یُوْنُسُ بَیْنَ أَصَابِعْہ؛ یَصِفُ ذٰلِکَ۔
’’جب ان کے وعدوں کی پاسداری اور امانتوں کی حفاظت نہ ہو گی ، اور وہ اس طرح ہوں گے۔
یونس [1] نے اپنی انگلیوں کو ایک دوسرے میں داخل کرتے ہوئے اس کو بیان کیا۔
انہوں نے عرض کیا: ’’یا رسول اللہ! اس وقت میں کیا کروں؟‘‘
آنحضرت صلی اللہ علیہ وسلم نے فرمایا:
’’اِتَّقِ اللّٰہَ عَزَّوَجَلَّ ، وَخُذْ مَا تَعْرِفُ وَدَعْ مَا تُنْکِرُ…الحدیث۔[2]
[اللہ عزوجل کا تقویٰ اختیار کرنا ، معروف کو تھام لینا اور منکر کو چھوڑ دینا… الحدیث ]
۷: امام بخاری نے حضرت سُلَیم بن جابر الہُجَیمی رضی اللہ عنہ سے روایت نقل کی ہے ، کہ انہوں نے بیان کیا :’’میں نے نبی کریم صلی اللہ علیہ وسلم کی خدمت میں حاضر ہو کر عرض کیا:’’یا رسول اللہ!مجھے وصیت فرمائیے۔‘‘
آنحضرت صلی اللہ علیہ وسلم نے فرمایا:
’’عَلَیْکَ بِاتِّقَائِ اللّٰہِ ، وَلَا تَحْقِرَنَّ مِنَ الْمَعْرُوْفِ شَیْئًا، وَلَوْ أَنْ تُفْرِغَ لِلْمُسْتَسْقِيْ مِنْ دَلْوِکَ فِي إِنَائِہِ، أَوْ تُکَلِّمَ أَخَاکَ ، وَوَجْھُکَ مُنْبَسِطٌ۔‘‘ [3]
[اللہ تعالیٰ کا تقوی اختیار کرو۔ کسی بھی بھلائی کو حقیر نہ سمجھو۔ اگرچہ [صرف] پانی طلب کرنے والے کے لیے اپنے ڈول سے اس کے برتن میں پانی ڈال دو یا اپنے بھائی سے فرحت و انبساط کے ساتھ گفتگو کرو۔]
۸: امام طبرانی نے حضرت عبادہ بن الصامت رضی اللہ عنہ سے روایت نقل کی ہے ، کہ رسول اللہ صلی اللہ علیہ وسلم نے
|