عمل صالح کی پہچان

سورۂ مائدہ ،آیت : ۷۲ میں تو اللہ نے بڑے شدید لہجہ میں مشرک کا انجام بیان کرتے ہوئے فرمایا ہے :

{اِنَّہٗ مَنْ یُّشْرِکْ بِاللّٰہِ فَقَدْ حَرَّمَ اللّٰہُ عَلَیْہِ الْجَنَّۃَ وَمَأْوَاہُ النَّارَوَمَا لِلظَّالِمِیْنَ مِنْ أَنْصَارٍ علیہم السلام }

’’ جس نے اللہ کے ساتھ کسی کو شریک ٹھہرایا ،اس پر اللہ نے جنّت حرام کردی ہے ، اور اس کا [آخری ] ٹھکانا نار ِ جہنّم ہے ،اور ایسے ظالموں کا [اُس دن] کوئی مدد گار نہیں ہوگا ۔‘‘

انجام و تردیدِ شِرک ؛ حدیثِ رسول صلی اللہ علیہ وسلم کی روشنی میں :

شرک کی مذمّت و تردید اور اہل ِ شرک کاانجام ِ بد اللہ تعالیٰ کی کتاب کی طرح ہی نبی ٔآخر الزماں صلی اللہ علیہ وسلم کے ارشادات کی روشنی میں بھی متعیّن ہے ۔ چنانچہ بخاری و مسلم اور ابو داؤد و نسائی شریف میں ہے کہ نبی ٔاکرم صلی اللہ علیہ وسلم نے ارشاد فرمایا :

((اِجْتَنِبُوْا السَّبْعَ الْمُوْبِقَاتِ:))

’’سات ہلاکت انگیز و بلا خیز چیزوں سے بچو ۔‘‘

آپ صلی اللہ علیہ وسلم سے پوچھا گیا کہ اے اللہ کے رسول صلی اللہ علیہ وسلم !وہ کون کون سی ہیں ؟ تب آپ صلی اللہ علیہ وسلم نے ان ساتوں کو ایک ایک کرکے شمار فرمایا ۔اور اُن ساتوں میں سے سب سے پہلے جس کا نام لیا وہ تھا :

((اَلشِّرْکُ بِاللّٰہِ۔۔۔))

’’اللہ کے ساتھ کسی دوسرے کو [اس کی ذات و صفات یا عبادات میں ] شریک کرنا۔‘‘

اور اس کے بعد نبی صلی اللہ علیہ وسلم نے جادُو ، قتلِ ناحق ،سُود خوری ، یتیم کا مال کھا جانے،جہاد کے دن میدان سے فرار ہونے ،اور پاکدامن بھولی بھالی مؤمن عورتوں پر تہمت لگانے کے گناہ