جہنم کا بیان

حضرت موسیٰ بن مسعود رحمہ اللہ فرماتے ہیں جب ہم سفیان ثوری رحمہ اللہ کی مجلس میں بیٹھتے تو ان کی خوف اور گھبراہٹ کی حالت میں دیکھ کر ہمیں یوں لگتا جیسے آگ نے ہمیں گھیر رکھا ہے،جب آخرت کا ذکر ہوتا تو سفیان ثوری رحمہ اللہ کو خون کا پیشاب آنے لگتا۔

مسئلہ 330:موت،قبر،قیامت اور پل صراط کا خوف۔

سُئِلَ عَطَائُ السَّلِیْمِیِّ رَحِمَہُ اللّٰہُ مَا ھٰذَا الْحُزْنُ؟ قَالَ وَیْحَکَ اَلْمَوْتُ فِیْ عُنُقِیْ وَ الْقَبْرُ بَیْتِیْ وَ فِی الْقِیٰمَۃِ مَوْقِفِیْ وَ عَلٰی جَسْرِ جَھَنَّمَ طَرِیْقِیْ لاَ اَدْرِیْ مَا ُیصْنَعُ بِیْ[1]

حضرت عطاء سلیمی رحمہ اللہ سے رنجیدہ غمزدہ رہنے کی وجہ پوچھی تو فرمانے لگے،تو ہلاک ہو (کیا تجھے نہیں معلوم)موت میری گردن میں ہے،قبر میرا گھر ہے،قیامت کے روز مجھے اللہ کی عدالت میں کھڑے ہونا ہے اور جہنم کے پل (صراط)سے مجھے گزرنا ہے اور میں نہیں جانتا میرے ساتھ کیا ہونے والا ہے۔

مسئلہ 331:جہنم یاد آنے پر حضرت ابو میسرہ رحمہ اللہ کی خواہش’’کاش !مجھے میری ماں نہ جنتی۔‘‘

کَانَ اَبُوْ مَیْسَرَۃَ رَحِمَہُ اللّٰہُ اِذَا اَوٰی اِلٰی فِرَاشِہٖ قَالَ: یٰلَیْتَ اُمِّیْ لَمْ تَلِدْنِیْ ثُمَّ یَبْکِیْ فَقِیْلَ لَہٗ مَا یَبْکِیْکَ یَا اَبَا مَیْسَرَۃَ؟ قَالَ: اُخْبِرْنَا اَنَّا وَارِدُوْھَا وَ لَمْ نُخْبِرْنَا اَنَّا صَادِرُوْنَ عَنْھَا [2]

حضرت ابو میسرہ رحمہ اللہ جب اپنے بستر پر جاتے تو کہتے ’’اے کاش!میری ماں مجھے نہ جنتی ۔‘‘اور رونے لگتے،ان سے کہا گیا ’’اے ابو میسرہ!کیوں روتے ہو؟‘‘حضرت ابو میسرہ رحمہ اللہ فرماتے ’’ہمیں یہ تو معلوم ہے کہ ہم نے جہنم کے اوپر سے گزرنا ہے لیکن یہ علم نہیں کہ نجات ہوگی یا نہیں۔‘‘

مسئلہ 332:جہنم کی یاد نے عمر بھر کے لئے ہنسی ختم کردی۔

عَنِ الْحَسَنِ الْبَصَرِیِّ رَحِمَہُ اللّٰہُ قَالَ : قَالَ رَجُلٌ لِاَخِیْہِ ھَلْ اَتَاکَ اِنَّکَ وَارِدُ النَّارَ؟ قَالَ : نَعَمْ ، قَالَ : فَھَلْ اَتَاکَ اَنَّکَ صَادِرٌ عَنْھَا؟ قَالَ : لاَ ، قَالَ : فَفِیْمَ الضِّحْکُ؟ قَالَ : فَمَا رُئِیَ ضَاحِکًا حَتّٰی لَحِقَ اللّٰہَ[3]