عقیدہ ایمان اور منہج اسلام

الحدیث جماعۃ حَقہ والے سلفی لوگ اس بات پر ایمان رکھتے ہیں کہ :اللہ عزوجل کے بعد نبی مکرم محمد رسول اللہ صلی اللہ علیہ وسلم کی ذات اطہر اور آپ کی سنت مطہرہ دنیا جہان کے تمام لوگوں حتی کہ اپنی جان سے بھی زیادہ اول و افضل اور زیادہ محبوب ہو جائے ، تب ایمان مکمل ہوتا ہے۔

چنانچہ قرآن کہہ رہا ہے :

’’(اے پیغمبر صلی اللہ علیہ وسلم) تیر ے پروردگارکی قسم! (اللہ تعالیٰ خود اپنی قسم کھا کر فرما رہے ہیں) وہ مومن نہ ہوں گے جب تک اپنے جھگڑوں کا فیصلہ تجھ سے نہ کرائیں۔ پھر تیرے فیصلے سے ان کے دلوں میں کچھ اداسی نہ ہو اور وہ (خوشی خوشی) مان کر منظور کر لیں۔ ‘‘[1] (النساء:۶۵ آیت پیچھے گزر چکی ہے۔)