آنحضرت صلی اللہ علیہ وسلم نے اس سے زیادہ کچھ نہ فرمایا۔
حضرت علی رضی اللہ عنہ ان انصاری لوگوں کے پاس گئے ، جو ان کا انتظار کر رہے تھے۔ انہوں نے پو چھا:
’’ مَا وَرَائَ کَ؟ ‘‘
’’آپ کے پیچھے کیا ہے؟ ‘‘([1])
انہوں نے کہا:
’’ مَا أَدْرِيْ غَیْر أَنَّہُ قَالَ لِيْ : ’’مَرْحَبًا وَّ أَھْلًا ۔‘‘
’’ مجھے (کچھ) پتہ نہیں، سوائے اس بات کے ، کہ بے شک آپ صلی اللہ علیہ وسلم نے مجھ سے فرمایا: ’’مَرْحَبًا وَّ أَھْلًا‘‘
انہوں نے کہا:
’’ یَکْفِیْکَ مِنْ رَسُوْلِ اللّٰہِ صلی اللّٰه علیہ وسلم إِحْدَاھُمَا ، أَعْطَاکَ الْأَھْلَ أَعْطَاکَ الْمَرْحَبَ۔‘‘([2])
’’رسول اللہ صلی اللہ علیہ وسلم کی جانب سے تو آپ کے لیے ان دونوں میں سے ایک (ہی ) کافی ہے ۔ آنحضرت صلی اللہ علیہ وسلم نے تو آپ کو أھلًا اور مَرْحَبًا دونوں ہی عطا فرمائے ہیں۔‘‘
|