نور توحید

باب:لَا یَقُوْلُ عَبْدِیْ وَ اُمَتِیْ

باب: کسی کو میرا بندہ اور میری بندی کہنے کی ممانعت

صحیح مسلم میں سیدنا ابو ہریرہ رضی اللہ عنہ سے روایت ہے، رسول اللہ صلی اللہ علیہ وسلم نے فرمایا:

((لَا یَقُلْ اَحَدُکُمْ اَطْعِمْ رَبَّکَ وَ ضِّئْ رَبَّکَ وَ لْیَقُلْ سَیِّدِیْ وَ مَوْلَایَ وَ لَا یَقُلْ اَحَدُکُمْ عَبْدِیْ وَ امَتِیْ وَ لْیَقُلْ فَتَایَ وَ فَتَاتِیْ وَ غُلَامِیْ۔))[1]

’’کوئی شخص یوں نہ کہے، اپنے رب کو کھانا کھلاؤ، اپنے رب کو وضو کراؤ، بلکہ یوں کہنا چاہیے میرا آقا اور میرا مولا۔ اور کوئی یوں نہ کہے، میرا بندہ اور میری بندی، بلکہ یوں کہنا چاہیے میرا غلام، میرا خادم، میری خادمہ۔‘‘

اس باب کے مسائل:

1۔ غلام اور لونڈی کو میرا بندہ اور میری بندی کہنا منع ہے۔

2۔ اور کوئی غلام اپنے آقا کو ربِ(میرا رب) نہ کہے اور نہ کسی غلام سے یوں کہا جائے اپنے رب کو کھانا کھلاؤ۔