| پیدا ہوا تو مولانا ابو الاعلیٰ مودودی کی تصنیفات پڑھنے کا موقع ملا اور ان سے متاثر ہوئے اور جماعت سے وابستگی اختیار کی۔ 1978ءمیں سعودی عرب چلے گئے اور ریاض کی جامعہ ملک سعود میں پروفیسر کی حیثیت سے خدمات سر انجام دینے لگے۔ وہاں بھی کچھ عرصہ جماعت اسلامی سے تعلق رہا۔ پھر جب دیکھا کہ جماعت کے زیادہ تر لوگ حدیث رسول اللہ صلی اللہ علیہ وسلم کے مقابلے میں فقہ کو ترجیح دیتے ہیں تو جماعت سےتعلق کا رشتہ ڈھیلا پڑگیا اور دل میں اشاعت حدیث ( صلی اللہ علیہ وسلم)کا جذبہ ابھر آیا۔ 1984ءکے رمضان المبارک کی آمد آمد تھی کہ ذہن نے فیصلہ کیا کہ حدیث شریف کی روشنی میں رمضان المبارک سے متعلق مسائل مرتب کیے جائیں، چنانچہ دو تین مہینوں میں”کتاب الصیام “کے نام سے کتاب ترتیب دی جس کی مولانا عبدالمالک مجاہد کی کوشش سے کمپوزنگ ہوئی اور چند اصحاب خیر کے تعاون سے ریاض میں اس کی طباعت ہوئی اور اسے بلا قیمت تقسیم کیا گیا۔ 1985ء میں جماعت اسلامی سے علیحدہ ہوگئے اور ”تفہیم السنہ“ کے نام سے ادارہ قائم کر کے اشاعت حدیث کا سلسلہ شروع کیا۔ عمر کے ساٹھ سال پورے ہونے کے بعد 20۔ اگست 2005ء کو ملازمت سے سبکدوش ہوئے اور پھرتمام وقت خدمت حدیث میں صرف ہونے لگا۔اداراہ تفہیم السنہ کے قیام یعنی 1985ءسے 2006ءتک اکیس برس میں ان کی اکیس کتابیں شائع ہو چکی ہیں۔ حدیث سے متعلق ہر سال ایک کتاب کی اشاعت مصنف پر اللہ تعالیٰ کا بہت بڑا احسان ہے۔ گزشتہ اکیس بائیس سال سے ریاض میں اشاعت حدیث کی خدمت سر انجام دینے والے حضرات کا ایک مستقل حلقہ قائم ہے، جس میں پاکستان اور ہندوستان کے اصحاب علم شامل ہیں۔ ان حضرات کے باہمی تعاون سے اُردو زبان کے علاوہ تلنگو حیدر آباد (دکن) کی مقامی زبان نیز انگریزی اور ہندی زبانوں میں حدیث کے بارے میں کتابیں شائع ہو رہی ہیں۔بنگالی زبان میں بھی بعض کتابوں کے ترجمے شائع ہوئے ہیں۔ سب سے زیادہ ترجمے سندھی زبان میں ہوئے۔اب تک یعنی یکم ستمبر 2006ءتک جب یہ سطور لکھی جا رہی ہیں اکیس کتابوں کے ترجمے سندھی زبان میں شائع ہو چکے ہیں یہ اہم کام جناب سکندر عباسی کر رہے ہیں جو دس بارہ سال ریاض میں رہے ہیں اور آج کل حیدر آباد (سندھ ) میں مقیم ہیں اور ترجمے کر رہے ہیں۔ پروفیسر محمد اقبال کیلانی کی اب تک حدیث سےمتعلق خدمات کی تفصیل درج ذیل ہے جو مختلف عنوانات کے تحت بیس کتابوں پر مشتمل ہے۔ یہ تمام کتابیں حدیث پبلی کیشنز شیش محل روڈ کی طرف سے چھپ چکی ہیں۔ 1۔۔۔کتاب التوحید (توحید کے مسائل ):یہ کتاب 176صفحات پر مشتمل ہے۔ اس میں |