عیدین و قربانی فضیلت و اہمیت ، احکام و مسائل

فقہ حنفی کی معروف کتاب ’’ہدایہ‘‘ (۲/ ۴۳۳) میں قربانی کے معاملے میں بھی بھینس کو گائے ہی کی طرح جائز قرار دیا گیا ہے۔

علامہ مناوی نے کنوز الدقائق میں الفردوس دیلمی کے حوالے سے ایک روایت نقل کی ہے:

’’اَلْجَامُوْسُ فِي الْأُضْحِیَۃِ عَنْ سَبْعَۃٍ ‘‘[1]

’’بھینس کی قربانی سات افراد اور ان کے اہل خانہ کی طرف سے صحیح ہے۔‘‘

لیکن کنز العمال (۱/ ۳) کے مقدمے میں جن چار کتابوں کی روایتوں کو بحوالہ امام سیوطی علی العموم ضعیف کہا گیا ہے، یہ الفردوس دیلمی بھی انھیں میں سے ایک ہے، اور اہل علم و تحقیق کے نزدیک اس کتاب کی اکثر روایات ضعیف و غیر معتبر ہیں لہٰذا مذکورہ روایت کی جب تک تحقیق نہ ہوجائے اس سے استدلال صحیح نہیں ہے۔

یہی وجہ ہے کہ محدثین میں سے بعض بھینس کی قربانی کو جائز نہیں سمجھتے حتی